POP 5

Lajmet më të lexuara të 5 minutave të fundit

Kronikë

Kryhen operacionet në zemër
me mjekë shqiptarë e kosovarë

Një ekip mjekësor i përbashkët mes Qendrës Spitalore Universitare “Nënë Tereza” nga Tirana dhe Qendrës Klinike Universitare të Kosovës kanë realizuar dy operacionet e para në fushën e kardiologjisë, mes Shqipërisë dhe Kosovës.
Kryhen operacionet në zemër<br />me mjekë shqiptarë e kosovarë
TIRANE- Një ekip mjekësor i përbashkët mes Qendrës Spitalore Universitare “Nënë Tereza” nga Tirana dhe Qendrës Klinike Universitare të Kosovës kanë realizuar dy operacionet e para në fushën e kardiologjisë, mes Shqipërisë dhe Kosovës. Bashkëpunimi në fjalë është realizuar falë bashkëpunimit dhe marrëveshjes së arritur mes qeverisë së dy vendeve. Dy pacientët e parë që kanë përfituar nga bashkëpunimi mes dy ministrive, kanë qenë dy shqiptarë të Kosovës, të operuar në  shërbimin e kardiologjisë në QKUK.

Ministri i Shëndetësisë në Kosovë, Ferid Agani, është shprehur shumë i kënaqur për këtë bashkëpunim duke u shprehur se ky është fillimi i konkretizimit të bashkëpunimit në fushën e shëndetësisë mes dy vendeve dhe se suksesi i arritur bën që të rritet optimizmi për të ardhmen. “Ky bashkëpunim vjen pas takimit të dy qeverive në Prizren dhe pas vizitës së ministrit së Shëndetësisë së Shqipërisë, z.Ilir Beqja. Ky është hap në drejtim të ndërtimit të shërbimit kombëtarë të kardiokirurgjisë”, deklaroi Agani. Ministri i Shëndetësisë së Kosovës u shpreh se gjendja e dy pacientëve të parë të operuar është shumë e mirë dhe se pas ndërhyrjeve kirurgjikale nuk kishte qenë e nevojshme që trajtimi i tyre të vazhoj në institucione të tjera private, apo jashtë vendit.

Optimizmi për këtë ndërhyrje të zhvilluar në QKUK, ka bërë që bashkëpunimi në fushën e mjekësisë të thellohet në të ardhmen. “Është themel i bashkëpunimit afatgjatë, i lidhur mes dy ministrive, dy shërbimeve, do jetë bashkëpunim sistematik, do ketë programe të rregullta operative në QKUK, në shërbimin kardiokirurgjisë tonë çdo dy javë me një program të caktuar, do të nënkuptojë edhe trajnimin e kuadrit tonë”, u shpreh Agani. Për ambasadorin shqiptar në Kosovë, Qemal Minxhozi, operacionet e zhvilluara janë vetëm nismat e para të të bashkëpunimit në fushën e mjekësisë mes dy vendeve. “Janë dy intervenime simbolike që hapin trasenë e një rrugëtimi që do të nis nga shtatori i këtij viti, që Shqipëria me ekspertizë, me mjekë specialistë, me bashkëpunim me mjekët e Kosovës të pasojë me nisma tjera mes dy dikastereve”, deklaroi  ambasadori Minxhozi.

Për kardiologun prof. Ali Rifatllari, kjo është dëshmi e qartë e fillimit të një rruge të suksesshme bashkëpunimi mes dy vendeve, por gjithsesi sipas tij duhet të punohet akoma më shumë në përmirsimin e cilësisë dhe profesionalizmit në këtë fushë. “Ndjeva kënaqësi të veçantë, po realizoja një ëndërr që kisha dikur, edhe në Kosovë të zhvillohet kardiokirurgjia, gjeta kushte të mira të sallave operative dhe atyre të reanimacionit, salla të nivelit evropian”, u shpreh  Rifatllari.

Redaksia Online
(d.a/shqiptarja.com)

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

DASH e shpalli ‘Non Grata’ Berishën, 65% e shqiptarëve e mendojnë të drejtë vendimin amerikan

DASH e shpalli ‘Non Grata’ Berishën, 65% e shqiptarëve e mendojnë të drejtë vendimin amerikan

29 Mars, 23:54