POP 5

Lajmet më të lexuara të 5 minutave të fundit

Ekonomi

Kthimi i pronave, janë 7 mijë
dosje që presin kompensim

Janë 7 mijë dosje të kthimit a kompensimit të pronave, që presin prej vitesh zgjidhje në arkivat e AKKP-së.
Kthimi i pronave, janë 7 mijë<br />dosje që presin kompensim
TIRANE- Janë 7 mijë dosje të kthimit a kompensimit të pronave, që presin prej vitesh zgjidhje në arkivat e AKKP-së. Sipas ligjit, ato duhej të kishin marrë përgjigje brenda një afati kohor prej tre muajsh nga data e aplikimit
 
Ka ndryshuar drejtimi në Agjencinë e Kthimit dhe Kompensimit të Pronës, por nuk ka lëvizur ende numri i dosjeve të aplikantëve, të cilët prej vitesh presin të zgjidhet problemi i tyre. Agjencia e Kthimit dhe Kompensimit të Pronave është në një kaos të vërtetë, pasi 7 mijë dosjet e qytetarëve që kanë aplikuar për të zgjidhur çështjen e pronës kanë krijuar një mal me dokumenta, ndërsa nuk u është dhënë asnjë zgjidhje. Megjithatë, duket se numri i tyre ka lëvizur me 1 mijë njësi, pasi më parë ishte raportuar shifra 8 mijë dosje. Por, kjo nuk shmang problemin madhore: kërkesat e qytetarëve kanë përfunduar prej vitesh në raftet e plurosura të Agjencisë.

"Situata është mjaft kritike, sepse jemi në një gjendje, ku aplikimet e kryera janë në të njëjtin nivel. Pra, 7 mijë dosje të aplikuara pranë Agjencisë së Kthimit dhe Kompensimit të Pronave ende mbeten në një numër të tillë dhe sot e kësaj dite", thotë Sonila Qato, drejtoreshë e re e AKKP, emëruar nga qeveria Rama.
Ligji e detyron Agjencinë që çdo kërkese për kthim apo kompensim pronash, t'i jape përgjigje brenda tre muajsh nga data e aplikimit.
"Evidentohen që dosjet janë prej vitesh të tëra. Pra, mund të gjejmë dosje të vitit 1995, ashtu sikurse kemi dosje të fundit", thotë Qato.

Drejtoresha Qato thotë se përballë kësaj situate, Qeveria po përgatit një sërë masash që do të nisin me reformimin e të gjithë institucioneve përgjegjëse për pronat. "Së pari, duhet të realizohet me padiskutim një hartë e hedhjes dhe të gjitha vendimeve të kthimit dhe kompensimit të pronave në vite. Ende mungon një hartë dixhitale, ku të mund të pasqyrojë të gjitha llojet e vendimmarrjes bërë nga Agjencia. Sikurse duhet të evidentojmë të gjitha vendimmarrjet që janë bërë të mbivendosura gjatë viteve mbi pronat, të cilat kanë kërkuar për t'u kthyer dhe kompensuar", tha Qato.
 
Shkrimi u publikua sot (20.10.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Pas ceremonisë së Ngritjes së Flamurit, Rama me Kurtin takojnë nipin e Ismail Qemalit, Nedin Vlora, tek sheshi i Flamurit

Pas ceremonisë së Ngritjes së Flamurit, Rama me Kurtin takojnë nipin e Ismail Qemalit, Nedin Vlora, tek sheshi i Flamurit

28 Nëntor, 10:23