Gjatë bashkëbisedimit me banorët e Lurës, Rama ka dëgjuar disa prej tyre të cilët kanë ndarë me shefin e qeverisë disa nga problemet kryesore që i shqetësojnë

Një aktiviste e shoqërisë civile ka folur me Ramën dhe u ndal tek çështja e shkatërrimit të pyjeve në Lurë.

Kryeministri iu përgjigj duke i thënë se qeveria ka respekt për aktivizmin e këtyre të rinjve, por se morali ndaj banorëve nuk qëndron pasi jo çdo njeri i ka mundësitë njësoj dhe se masakra ka nisur që në vitin '90. 

Replikat e plota:

Qytetarja: Ku ishit ju kur Lura u shkatërrua? Çfarë keni bërë kur në Lurë u prenë pyjet? A ka ndonjë të ndaluar të vënë para ligjit?

Rama: Më kërkon llogari mua për gjëra që i kanë bërë që nga ’90?

Qytetarja: Jo, jo juve por motosharra vazhdon ende.

Rama: Këta s’kanë nevojë për leksione, nëse e keni parë motosharrën e s’keni denoncuar... Secili bën të vetën. Ju bëni shumë dhe meritoni respekt. Unë e di mirë që ka shumë gjëra që duhen bërë, por ajo që ka rëndësi është të bëhen me radhë se të gjitha projektet s’bëhen dot.