Kufiri, çfarë po ndodh mes Kosovës dhe Serbisë? Fatmir Limaj sonte te ‘5 Pyetjet’ në Report Tv

Fatmir Limaj dhe Mehmet Kraja do të jenë të ftuar mbrëmjen e sotme në emisionin “5 Pyetjet nga Babaramo” në Report Tv në orën 20:30. Në qendër të bisedës do të jetë debati për rishikimin e kufijve mes Kosovës dhe Serbisë. Pak ditë më parë qeveria e drejtuar nga Ramush Haradinaj propozoi ekipin negociues për dialogun me Serbinë që sipas saj duhet të drejtohet nga zëvendëskryeministri Fatmir Limaj, ndërkohë që opozita bojkoti seancën e Kuvendit.

Presidenti i Serbisë, Aleksandër Vuçiç u angazhua pak kohë më parë për ndarje ndërmjet serbëve dhe shqiptarëve në Kosovë, duke u bërë jehonë kërkesave të Serbisë për ndarjen tokësore të Kosovës në kuadër të procesit për normalizimin e marrëdhënieve ndërmjet të dy vendeve. Por dje gjatë vizitës në Kosovë ai u shpreh se ‘nuk është e vërtetë se dua të ndryshoj kufijtë’.

Kosova e ka hedhur poshtë idenë e ndarjes tokësore të saj, ndërsa është përfshirë ne debatet e nxitura nga ideja e presidentit të saj Hashim Thaçi për 'korrigjimin e kufirit" që sipas tij, nënkupton bashkimin e luginës së Preshevës, një rajon me shumicë shqiptare në jug të Serbisë, me Kosovën.

LEXO EDHE:
Vula e PD-së i kaloi Berishës/ Denis Minga në 'Përballje': Fitore si e Pirros! Edhe vetë e di që karriera i ka ardhur në fund

SHBA dhe BE nuk e kanë kundërshtuar idenë, por kanë kërkuar mos cenonte stabilitetin e Ballkanit, ndërsa Gjermania dhe Britania janë pozicionuar kundër. Përsa i përket Shqipërisë, Rama mbështeti qëndrimin e BE, ndërsa Presidenti Meta doli kundër rishikimit të kufijve.

TAG:
• Ilir Babaramo
• Ramush Haradinaj
• fatmir limaj
• Mehmet Kraja

Sondazhi i ditës:

A duhet të lejohet mjeku të punojë njëkohësisht në spital publik e privat?

• Po

  12.9%

• Jo

  82.8%

• Nuk e di

  4.2%

Vota total: 1037

Votat totale janë unike

• Sondazhi i ditës:

  A duhet të lejohet mjeku të punojë njëkohësisht në spital publik e privat?

  Po Jo Nuk e di