'Kukës i bukur dhe në garë për titullin', Kristi Marku: Na vjen keq që stadiumi s'do jetë gati as në janar

2022 pritet më shumë entuziazëm tek ekipi i Kukësit. Verilindorët vitin e kaluar e mbyllën mbi pritshmëritë duke u renditur në vendin e dytë në momentin e ndërprerjes së përkohshme të kampionatit për shkak të festave, por më shumë se pikët ka bërë përshtypje loja fluide.

Kristi Marku, futbollist i Kukësit: “Siç e kemi bërë gjysmën e parë të kampionatit ashtu shpresojmë të vazhdojmë edhe për pjesën e dytë. Ëndrra e çdo futbollisti është që titullin ta fitojmë.”

Edhe pse u synua nëntori stadiumi i ri i Kukësit nuk do jetë gati as në janar.

Sinkron Kristi Marku, futbollist i Kukësit: “Na vjen shumë keq me thënë të drejtën duke parë edhe dëshirën e madhe të tifozëve, por edhe për ne do ishte shumë pozitive ta nisnim këtë vit në shtëpinë tonë. Gjithsesi ne jemi mësuar që të luajmë jashtë stadiumit tonë.”

Ndeshja e parë e Kukësit për këtë vit, që është e 16 e sezonit, do jetë kundër Dinamos me 15 janar. Verilindorët aktualisht janë në vendin e dytë në renditje me 28 pikë, 5 më pak se Tirana kryesuese.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Drejt djegies së raundit të tretë, mendoni se PS duhet ta zgjedhë vetë Presidentin?



×

Lajmi i fundit

John

‘Galaktikët’ pushtojnë sërish Europën, Reali kampion i Champions League për herë të 14