KUKES- Një kamion i tonazhit të rëndë është aksidentuar mbasditen e sotme, në hyrje të Kukësit. Ngjarja ka ndodhur rreth orës 18:45, në kthesën e fshatit Kolsh, kur kamioni me targa kosove 03538AX, doli nga rruga.
 
Drejtuesi i mjetit humbi kontrollin e drejtimit të automjetit, dhe si pasojë makina doli nga rruga dhe përfundoi në greminë.
 
Si pasojë e aksidentit, drejtuesi i kamionit Bedri Fetahu, 49 vjeç, është plagosur rëndë dhe është dërguar menjëherë në spital, por ka ndërruar jetë pak minuta më vonë.
 
Ndërsa policia po punon për zbardhjen e plotë të rrethanave të ngjarjes.

Para 6 muajsh, në të njëjtin vend u rrëzuan disa kamiona, ku si pasojë humben jetën 5 persona.

Redaksia Online
(e.s/shqiptarja.com)