X

POP 5

Lajmet më të lexuara të 5 minutave të fundit

Kronikë

Kukës/ liqeni i Fierzës në kuota kritike, specialistët: Rënia e nivelit të ujit, rrezik për gjallesat

Mungesa e reshjeve të shiut ka bërë që liqeni i Fierzës në Kukës të arrijë në pikën kritike të tij. Aktualisht, Fierza është e pashfrytëzueshme për atraksione turizmi, por edhe pjesa vizuale e tij tashmë i ngjan një ujëmbledhësi të zakonshëm. Specialistët e mjedisit thonë se rënia në kuota të tilla rrezikon gjallesat në këtë liqen.

Rajoni i Kukësit ka pësuar rënie të nivelit të ujit në liqenin e Fierzës, për shkak të thatësirës së përjetuar përgjatë muajve të fundit. Rritja e nivelit dhe prurjet nuk janë ndihmuar as nga reshjet e fundit të shiut.

Eksperti i mjedisit, Arben Palushi, thekson se niveli i ujit është në kuotën kritike nën 270 m dhe se aktualisht  liqeni është i pashfrytëzueshëm. Një kuotë e tillë uji, sipas tij, rrezikon gjallesat të cilat ndodhen në të.

Sic shihet situata në liqenin e Fierzës është në kuota kritike, është ulur nën kuotën 270 m. Në këtë kuotë me 1 miliardë metër kub ujë, duhet të adoptohet. Liqeni në këtë lloj mënyre që shfrytëzohet nga KESHI, është i pashfrytëzueshëm për ne.

Arben Palushi, Ekspert i Mjedisit

Këto të dhëna tregojnë se situata hidrike në kaskadën e Drinit nuk është shumë pozitive, duke pasur parasysh se prurjet e ujit vazhdojnë të jenë të ulëta dhe arrijnë në 35 metër kub ujë në sekondë. Situata është e përsëritur dhe pavarësisht apelimeve nga ana e specialistëve mjedisorë, asgjë nuk është marrë në konsideratë.

Në mesin e këtij viti, liqeni i Fierzës ishte pranë kuotës maksimale për shkak të reshjeve të shumta që u regjistruan gjatë muajit qershor dhe fillimit të korrikut, por tashmë situata në këtë kaskadë është krejtësisht ndryshe.

Është e pashfrytëzueshme si nga ana turistike ashtu edhe nga ana biologjike. Gjithë sasia e peshkut që pretendohet se duhet kultivuar apo rritet, sapo ulet volumi 1 miliadë metër kub ujë nga 3, e gjitha peshkohet nga baltina e Drinit të Bardhë dhe Drinit të Zi dhe në pranverë fillon sërish e gjithë historia.

Arben Palushi, Ekspert i Mjedisit

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Interpelancë për emisionin e Rai-t, Rama: S'ka urgjencë për poshtërimin e radhës në parlament! Të mbarojmë punë me të vërtetën italisht, pastaj radha këtyre

Interpelancë për emisionin e Rai-t, Rama: S'ka urgjencë për poshtërimin e radhës në parlament! Të mbarojmë punë me të vërtetën italisht, pastaj radha këtyre

26 Prill, 13:08 nga Edi Rama