POP 5

Lajmet më të lexuara të 5 minutave të fundit

Politikë

Lajme nga emisionet

Kukësi ‘karton të kuq’ Berishës, analisti në Report Tv: Po merr më qafë dhe Ilir Metën! Kreu i PL-së, ka vënë bast me kalin e lodhur

Kukësi rrëzoi për herë të dytë koalicionin Berisha-Meta, ndonëse qytetarët e Kukësit u përballën me një skandal në zyrat e shtetit, nga ish kryebashkiaku Safet Gjici. Kjo ishte përmbledhja e asaj që lexoi analisti, Lavdrim Lita nga këto zgjedhje në Kukës, të cilat dhanë një rezultat me fitore të thellë të Partisë Socialiste me mbi 5 mijë vota.

Kukësi rrëzoi për herë të dytë koalicionin Berisha-Meta, ndonëse qytetarët e Kukësit u përballën me një skandal në zyrat e shtetit, nga ish kryebashkiaku Safet Gjici. Kjo ishte përmbledhja e asaj që lexoi analisti, Lavdrim Lita nga këto zgjedhje në Kukës, të cilat dhanë një rezultat me fitore të thellë të Partisë Socialiste me mbi 5 mijë vota.

I ftuar në ‘Sot Live në Shqipëri’, me gazetarin e Report Tv Nertil Agalliu, Lita u shpreh se kjo fitore e dytë e Partisë Socialiste duhet parë më shumë si dërrmimi i Berishës dhe Metës.

Qytetarët e Kukësit, nuk e patën opozitën si alternativë sepse mesazhi i tyre është shumë i qartë, po refuzojnë Berishën e Metën, thekson analisti.

“Kjo piruete për të bërë deputetët për të qenë në prehrin e Sali Berishës nuk është përtypur mirë nga demokratët apo qytetarët në Kukës dhe me thënë të drejtën më shumë se opozita e vërtetë qytetarët kanë preferuar pushtetin e vërtetë.

14 maji nuk ishte rastësi apo aksident politik. Me gjithë këto skandale apo ngjarje që kanë ndodhur, duhet ta kishin dëmtuar mazhorancën, por nuk është faji i qytetarëve. Po refuzohen Berisha e Meta.”- tha Lita.

Lita theksoi se më i humburi në fakt është Ilir Meta, i cili vetëm po fundoset nga Berisha. Sipas tij, Meta po investon shumë dhe ka marrë vetëm humbje në këmbim.

“Në 2015 PD e ka fituar Kukësin me 3 mijë vota më parë, në 2019 nuk mori pjesë në zgjedhje dhe është humbur më 14 maj dhe u rihumb sërish për herë të dytë. Projekti ‘BF’ nuk funksionon. Berisha po fundos edhe Ilir Metën, i është varur si gurë më qafë dhe po e fundos. Meta po investon shumë dhe po merr vetëm humbje. Ka vënë bast në kalin e lodhur.”- theksoi Lita.

I pyetur për retorikën e njëjtë të Berishës për vjedhjen e votave, Lita zgjodhi ta ironizojë.

“Ai libri i zgjedhjeve të bëhet film dhe në zgjedhjet e ardhshme të bëhet serial. Ai është humbësi i çdo palë zgjedhjeve dhe nuk mban përgjegjësi dhe drejton gishtin nga të tjerët.”- vijoi ai.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • dashi: 25/09/2023 15:48

    Cfar thua mor gazetar NON GRATA po merka ne qafe Like FLORIRIN.....!!Keta te dy shkateruan opoziten dhe jane ata qe duhen mdeshkuar.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

27 Nëntor, 22:19