Teuta ka përmbysur shifrat në “Niko Dovana” të Durrësit, duke fituar 3-2 ndaj Kukësit. Tri pikë me mjaft vlerë që i japin akoma më shumë shpresë ekipit durrsak për mbijetesën.
Nuk ka nisur mirë për Teutën, teksa Guri ka realizuar golin e parë në minutën e 16-të, i bukur për nga mënyra e ekzekutimit, për më tepër kur në stadium ndodhej edhe trajneri Panucci.
Megjithatë, vendasit kanë marrë akoma më shumë zemër dhe nuk janë stepur. Dhe pas 5 minutash vjen goli i barazimit, kur Hila shënon nga pika e bardhë e penalltisë.
Për të ardhur në fundin e pjesës së parë, kur Çyrbja kalon ekipin e Teutës në avantazh, duke përmbysur kështu shifrat që në 45 minutat e para.
Me të nisur pjesa e dytë, durrsakët shënojnë edhe golin e treë, kur kroati Hrkaç nuk fal. Gjithsesi, ankthi nuk largohet për vendasit deri në fund, kur Guri shënon golin e dytë personal dhe të dytin për Kukësin në 67’.
Ishte goli i 20-të për Sindrit Gurin, që shkon një më shumë se Sowe i Skënderbeut, i cili shënoi 3 gola sot në Lushnjë. Kjo garë duket se do të vijojë në 3 javët e mbetura.
Fitorja e Teutës bën që Skënderbeu të mbetet 11 pikë para Kukësit dhe kështu korçarët shpallen matematikisht kampionë.
Teuta-Kukësi 3-2
Hila 21’ (11-m), Çyrbja 42’, Hrkaç 49’ / Guri 16’, 67’
Teuta: Moçka, Gjeorgjievski (Vila 74′), Shkalla, A.Bilali, Hakaj, Çyrbja, Hila, Hrkaç (D. Bilali 80‘), , Kruja, Lajthia (Dediç 69′), Latifi. Trajner: Gentian Begeja.
Kukësi: Frashëri (Koliçi 52’), Zderiç, Shameti, Alla (Hoxha 46’), Rrumbullaku, Idrizi, Imami, Musolli, Ethemi, Shkodra (Koldashi 58’), Guri. Trajner: Peter Pacult.
Kartonë të verdhë: Bilali 37’/ Alla 20’, Ethemi 29’
Ndërsa dueli i mbijetesës mes Vllaznisë dhe Kamzës ka përfunduar në barazim pa gola. Shkodranët nuk e kanë shfrytëzuar si duhet faktorin fushë dhe tani janë në vend të parafundit dhe rrezikojnë shumë.
Vllaznia – Kamza 0-0
Vllaznia: Sherri, Gocaj, Malota, Berisha, Mersini, Krymi (Bardulla 76’), Vucaj, Lika, Çinari (Tafili 62’), Ribaj (Kalaja 76’), Sukaj. Trajner: Ernest Gjoka.
Kamza: Avdyli, Frashëri, Zefi, Çukoviç, Idrizaj, Fili (Kuqi 86’), Malaj, Arrabal, Zguro, Rezi (Ymeraj 64’), Plaku. Trajner: Julian Ahmtaj.
Gjyqtarë: Kridens Meta, Egin Doda, Nertil Bregasi, Enea Pashaj;
Karton i verdhë: Zefi 51’
Lajme të tjera
-
Njihuni me Kampionin e Botës në Boks të sapo shpallur në Gjermani…Shefat Isufi: “fitova ndjeshjen por….”
28 Shkurt 2023, 13:16 -
Sot kampion kombëtar në bodybuilding, Xhani Qela rrëfen rrugëtimin: Kërkon sakrificë, kam bërë edhe gabime! 40 mijë lek në muaj më duhen për fileto
11 Tetor 2022, 10:56
-
Festë e papërmbajtur për titullin, Shehi shton gëzimin: Kam firmosur me Tiranën! Seferi: Titulli i golashënuesit? Jam kampion
27 Maj 2022, 11:36
-
'Titulli për trajnerin që humbi jetën', Flamurtari në basketboll për femra kampion për herë të 23 në histori (VIDEO)
9 Qershor 2021, 11:11
-
Ndezën kryeqytetin pas fitimit të titullit, Meta uron Tiranën: Ekip me tifozë të mrekullueshëm (VIDEO)
20 Korrik 2020, 08:40 -
Kampion për të 7 vit radhazi, Duka uron Vllazninë e femrave: Na ka nderuar edhe në arenën ndërkombëtare, simbol për vajzat shqiptare
12 Korrik 2020, 11:15 -
Bayern Mynchen fiton për here të 30 titullin kampion në Bundesligë
16 Qershor 2020, 22:50
