POP 5

Lajmet më të lexuara të 5 minutave të fundit

Sport

'Titulli për trajnerin që humbi jetën', Flamurtari në basketboll për femra kampion për herë të 23 në histori (VIDEO)

Ndryshe nga futbolli, ekipi i basketbollit për femra te Flamurtari vijon të korrë suksese. Vajzat vlonjate janë shpallur për herë të 23 kampione të vendit, ndërsa titullin ia kandë dedikuar ish-trajnerit Viron Toska që në nëntor humbi betejën me koronavirusin.

Ekipi i Flamurtarit në basketboll për femra është shpallur për herë të 23 në histori kampion i vendit. Në pallatin e sportit të Vlorës vajzat e Flamurtarit kanë mposhtur në finalen e tretë me rezultatin 68-60 Partizanin, duke ngritur në fund edhe kupën.

Kjo ka lumtuar pamasë protagonistët e këtij sezoni të mbushur me shumë vështirësi, ndërsa njëzëri titulli i është dedikuar Viron Toskës, trajnerit legjendë të këtij ekipi që ndërroi jetë pak muaj më parë për shkak të koronavirusit.

“Jam me të vërtetë shumë e lumtur, mendoj se merituam të fitojmë. Kemi punuar fort në muajt e fundit. Kemi dështuar në disa raste, por mendoj se vajzat dhanë gjithçka për kampionatin dhe në fund ia dolëm,”-u shpreh basketbollistja.

“Padyshim që do të thotë shumë për ekipin e Vlorës. Në radhë të parë që arritëm të mbajmë titullin këtu, që ishte shumë e rëndësishme për qytetin në këtë situatë të vështirë. Ky qytet e do shumë sportin, e do shumë basketbollin. Dha shumë për të dhe basketbolli ia ktheu qytetit,”-deklaroi Erion Hoxha, trajner i ekipit.

“Është titull që nuk është suprizë, pasi çdo vit kemi qenë traditë të jemi o në finale ose të dalim kampion. Ky është një vit i vështirë patjetër, pasi dua t’ia dedikoj ish-trajnerit legjendë të basketbollit Viron Toska, pasi nuk jeton më dhe ka lënë një boshllëk të madh,”-tha Klevis Kaso, shef i klubit.

Ky titull në basketboll për Flamurtarin vjen dy ditë, pasi klubi i futbollit preku fundin duke zbritur në kategorinë e dytë.

Viron Toska,  trajneri legjendë të këtij ekipi që ndërroi jetë pak muaj më parë për shkak të koronavirusit

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46