Kumbaro propozon Hervin
Çulin drejtor të Teatrit Kombëta

TIRANE- Ministrja e Kulturës, Mirela Kumbaro propozon Hervin Çulin drejtor të Teatrit Kombëtar. Konkursi për pozicionin Drejtor i Teatrit Kombëtar u hap në datën 5-26 dhjetor dhe pas procedurës, në procesin final kaluan tre kandidaturat e Edmond Budinës, Hervin Çulit dhe Laert Vasilit.

Propozimi i Ministrisë së Kulturës për kandidaturën e Hervin Çulit, vjen në përputhje me procedurat e parashikuara në Vendimin e Këshillit të Ministrave Nr. 173, datë 07.03.2003  “Për emërimin, lirimin ose shkarkimin nga detyra të Drejtuesve të institucioneve, në varësi të Këshillit të Ministrave, Kryeministrit ose Ministrit”.

“Ministri i Kulturës propozon kandidaturën e Hervin Çulit në detyrën e Drejtorit të Teatrit Kombëtar, i cili përmbush krahas kërkesave të përgjithshme për t’u punësuar në shërbimin civil, sipas Nenit 12, të Ligjit nr. 8549, datë 11.11.1999 “Statusi i Nëpunësit Civil” edhe kërkesat e veçanta, të shpallura në media dhe web-in e Ministrisë së Kulturës. Çuli është përzgjedhur sipas një procedure ku ka paraqitur një platformë për drejtimin e këtij institucioni, e cila vlen në përpushje me politikat e Ministrisë së Kulturës. Ky propozim vjen në përputhje me objektivat artistike, kulturore dhe administrative të kërkuara për këtë pozicion”, thuhet në njoftimin e Ministrisë së Kulturës.

Redaksia Online
(e.s/shqiptarja.com)