POP 5

Lajmet më të lexuara të 5 minutave të fundit

Sport

Kupa e Shqipërisë rihap plagët
e vjetra, Flamurtari - Skënderbeu

Kupa e Shqipërisë ka mësuar çiftet gjysmëfinaliste. Shorti ka vendosur që Flamurtari të ndeshjet me Skënderbeun, ndërsa Kukësi me Teutën.
Kupa e Shqipërisë ka mësuar çiftet gjysmëfinaliste. Shorti ka vendosur që Flamurtari të ndeshjet me Skënderbeun, ndërsa Kukësi me Teutën. Shorti mund të duket i lehtë për Kukësin, ndërsa në ndeshjen tjetër vështirë të parashikosh rezultatin, aq më tepër që atmosfera mes dy ekipeve është tejet e ndezur dhe motivimi do të jetë i madh. Theksojmë që para pak kohësh Presidenti i Skënderbeut, Takaj u godit në Vlorë dhe Flamurtarit iu hoqën tre pikë duke qenë një plagë e hapur mes dy kampeve. Ndeshjet e para do të luhen më datë  26.03.2014  në Kukës, Kukësi-Teuta dhe në Vlorë Flamurtari-Skënderbeu. Ndërsa takimet e  kthimit më  09.04.2014.
Flamurtari-Skënderbeu
Trajneri i Flamurtarit, Nesti Gjoka: Të dyja gjysmëfinalet e Kupës janë finale të parakohshme. Nuk mund të them se Kukësi apo Teuta janë më të dobët apo më të fortë se Skënderbeu, të tre kundërshtarët janë të vështirë. Përplasjen me Skënderbeun e shoh si të gjitha ndeshjet e tjera. Mbërritja në finale do të ishte sukses i madh për ne, pasi këtë edicion nuk ishte në fushë një Flamurtar me lojtarë milioner, por me paga normale dhe me një shpirt të madh gare”.
Trajneri i Skënderbeut, Mirel Josa: Nuk kisha ndonjë preferencë për shortin, e vlerësoj maksimalisht Flamurtarin, pasi ka një kontingjent futbollistësh që e përballojnë mirë një ndeshje të tillë gjysmëfinale. Nuk mendoj që përballja do të krijojë tensione, shpresoj që si në Korçë, por edhe në Vlorë të zhvillohen dy ndeshje ‘Fair Play’ dhe në fund të fitojë më i miri. Por, akoma nuk mendoj për Kupën, pasi nuk e kemi fituar kampionatin prandaj duhet të bëjmë kujdes deri në fund”.
Kukësi-Teuta
Trajneri i Kukësit, Sulejman Starova: Nuk mendoj se jemi favorizuar nga shorti i Kupës, pasi edhe Teuta besoj se është në të njëjtën lartësi me Skënderbeun dhe Flamurtarin. Ndeshja do të jetë mjaft e vështirë, duhet të jemi mjaft të kujdesshëm për të kaluar në finale. Përforcimi me Bakajn mendoj që do të na e lehtësojnë akoma më shumë punën për të arritur objektivat këtë edicion”.
Trajneri i Teutës, Ilir Biturku: Synimi i Teutës këtë edicion është pjesëmarrja në Kupat e Evropës dhe për të qenë i sinqertë mendon se rruga për të arritur qëllimin është më e lehtë nga Kupa. Do të japim maksimumin në dy ndeshjet me Kukësin për të kaluar në finale. Ardhja e Bakajt do të jetë një motivim akoma më i madh për ne në fushë për të dhënë 100% të forcës sonë”.

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 64 pasagjerë në bord përplaset me një helikopter ushtarak në Uashington, ka viktima

SHBA, avioni me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16