POP 5

Lajmet më të lexuara të 5 minutave të fundit

Sport

Kupa e Shqipërisë/ Vllaznia dhe Dinamo mposhten nga 'modestët'! Tirana, Partizani dhe Teuta mbyllin llogaritë që në ndeshjen e parë

Vllaznia dhe Dinamo janë dy skuadrat e Superligës që kanë befasuar në fazën e 1/16 të Kupës së Shqipërisë duke u mposhtur nga kundërshtarë modest. Ndërkohë Teuta, Partizani, Tirana dhe Skënderbeu kanë bindur duke fituar thellë dhe duke siguruar pothuajse që në ndeshjen e parë kualifikimin.

Janë zhvilluar sot ndeshjet e para të fazës së 1/16 të Kupës së Shqipërisë ku në fushë kanë zbritur edhe 10 skuadrat e Superligës. Ashtu siç pritej befasitë nuk kanë munguar dhe më e madhja erdhi nga Vllaznia, që u mposht 2-1 nga Labëria në transfertë. Padyshim që surprizë e vogël nuk është as Dinamo, që është mposhtur 1-0 nga Erzeni. Goli i vetëm i ndeshjes u realizua nga Xhebraimi në minutën e 55.

Përshtypje bën edhe barazimi 1-1 i Laçit në Sarandë kundër Brutintit, por edhe 90 minutat pa gola të Kukësit në transfertën e Maliqit.

Ndërkohë skuadrat që kanë përmbushur pritshmëritë janë Teuta kampione në fuqi, Partizani dhe Tirana. Për ‘djemtë e detit’ ka qenë gjithçka e lehtë pasi kanë mposhtur 1-4 Luzin. Sa i takon Partizanit të kuqtë kanë lënë pas momentin e keq në kampionat duke fituar 0-3 Tërbunit. Në Pukë të tre golat u realizuan në pjesën e parë nga Junior, Filipovic dhe Esat Mala.

Sakaq me të njëjtin rezultat, 0-3, Tirana fitoi kundër Shkumbinit. Për bardheblutë realizuan Xhixha dhe Beshiraj ‘dopietë’. Edhe Skënderbeu nuk e ka diskutuar Koplikun duke fituar po 0-3 në transfertë. Nga skuadrat e tjera të Superligës Egnatia barazoi 1-1 me Cërrikun, ndërsa Kastrioti fitoi 0-2 në Elbasan.

Ndeshjet e kthimit të fazës së 1/16 do të luhen me 14 tetor.

 

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

25 Dhjetor, 14:16