POP 5

Lajmet më të lexuara të 5 minutave të fundit

Opinion

Kur gënjen, Policia humb respektin

Marrëdhënia mes shtypit dhe Policisë bazohet mbi bashkëpunimin dhe mbi respektin e ndërsjelltë. Në rast se Policia mendon t’i gënjejë gazetarët duke iu fshehur faktet, kjo marrëdhënie merr një krisje, besimi bie dhe dëmin e pësojnë të gjithë.

Kur gënjen, Policia humb respektin

Foto ilustruese

Në Policinë e Shtetit duket se po rritet një tendencë shqetësuese: t’i fshehë lajmet shtypit. Vjedhja në argjendarinë “Altınbaş” në City Park u krye më 2 janar dhe atentati kundër shtëpisë së Vladimir Mulaj, vëllai i Natasha Mulaj, kreut të Komisionit të Apelit të Vettingut, madje ka ndodhur më 1 janar (Lexo këtu). Janë dy lajme të rënda, të cilat opinioni publik kishte detyrimin t’i dinte. Por Policia i mbajti sekret dhe vetëm falë punës së gazetarëve tanë këto lajme u zbuluan dhe u publikuan. Kishte ndodhur një gjë e tillë edhe në fund të dhjetorit, me tentativën e rrëmbimit të një biznesmeni në Elbasan; edhe në atë rast, vetëm në sajë të punës së gazetarëve tanë ngjarja doli në dritë.

Marrëdhënia mes shtypit dhe Policisë bazohet mbi bashkëpunimin dhe mbi respektin e ndërsjelltë. Në rast se Policia mendon t’i gënjejë gazetarët duke iu fshehur faktet, kjo marrëdhënie merr një krisje, besimi bie dhe dëmin e pësojnë të gjithë. Opinioni publik ka të drejtën të dijë atë që ndodh në vend dhe të gjithë duhet të japin kontribut për transparencën: Policia duke informuar dhe gazetarët duke publikuar. Krimi nuk luftohet duke fshehur lajmet dhe këtë Policia duhet të dijë.

Krimi mposhtet duke arrestuar vjedhësit e argjendarisë “Altınbaş” (Lexo këtu) dhe atentatorët kundër banesës së Vladimir Mulaj dhe jo duke bërë sikur nuk ka ngjarë asgjë, ose duke u përpjekur, në mënyrë naive, për të fshehur ngjarjet. Policia duhet të mbetet një model pozitiv i një Shteti modern edhe në aftësinë e saj për të thënë gjithnjë të vërtetën. Një Polici që gënjen, humb respektin e të gjithëve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ermali: 26/01/2019 07:34

    E marre me mend qe ky veprim i policise per mos raportuar çdo ngjarje qe ndodh ne vend mund te kete lene pa pune shume gazetare te kronikes, por eshte veprimi i duhur per mos helmuar me tej kete vend me lajme te zeza qe gjenerojne me teper ngjarje te zeza. Edhe ne Kosove po te lexosh lajmet e kronikes, eshte vetem nje paragraf komunikate e policise ku jepen vetem inicialet e personave te perfshire ne ngjarje dhe me pas çdo veprim ndiqet nga organet ligjzbatuese. Nuk shkon gazetari te pyes me soje e sorrollop cfare familje ishte filani, po fisteku qe vdiq dhe t'ia bejne gjyqin aty ne vend.

    Përgjigju
  • Ton ton: 09/01/2019 08:10

    Esht çeshtje besimi perpara se te jete respekti.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55