POP 5

Lajmet më të lexuara të 5 minutave të fundit

Arkiva

Kur teknologjia përdoret për të kërcënuar, arrestohet 28-vjeçari

TIRANË, 5 Dhjetor/ATSH-Arbi Fortuzi/-. Shumë shpesh jemi mësuar ta shohim teknologjinë si një shqisë të 6-të përmes së cilës arrijmë qëllimet tona. Duke nisur nga një komunikim i shpejtë me të tretë, apo dhe njohjeve të reja, ka raste kur kjo “shqisë” përdoret negativisht. Ky është rasti i 28-vjeçari, i cili është arrestuar mëngjesin e […]
/ATSH-Arbi Fortuzi/-. Shumë shpesh jemi mësuar ta shohim teknologjinë si një shqisë të 6-të përmes së cilës arrijmë qëllimet tona.
Duke nisur nga një komunikim i shpejtë me të tretë, apo dhe njohjeve të reja, ka raste kur kjo "shqisë" përdoret negativisht.

Ky është rasti i 28-vjeçari, i cili është arrestuar mëngjesin e sotëm, pasi ka shantazhuar ish të dashurën e tij, duke e ngacmuar dhe kërcënuar në "viber" dhe kanale të tjera komunikimi përmes teknologjisë.

Sipas burimeve Policore mësohet se Strukturat e Sektorit për Krimet Kompjuterike, pas kryerjes se veprimeve hetimore të shpejta dhe të menjëhershme, kanë realizuar me sukses operacionin policor për arrestimin në flagrancë të shtetasit, Bujar Haka, 28 vjeç, lindur dhe banues në Rinas-Krujë, i padënuar më pare, me kombësi dhe shtetësi shqiptare.

Arrestimi i këtij personi, u bë për arsye se, me anën e veprimeve të përsëritura gjatë një periudhe disa mujore, i arrestuari, ka kërcënuar dhe ngacmuar shtetasen me inicialet D.Gj., nëpërmjet dërgimit të mesazheve elektronike me përmbajtje të paligjshme nga aplikacioni kompjuterik "Viber", duke i shkaktuar të dëmtuarës një gjëndje të vazhdueshme dhe të rëndë ankthi dhe frike për sigurinë vetjake, me qëllim për t'a detyruar atë të vazhdonte një lidhje të ndërprerë. Gjithashtu, i arrestuari ka krijuar në mënyrë të paligjshme profile në rrjetet sociale në Internet në emër të të dëmtuarës, duke shkelur të drejtat personale dhe të privatësisë së saj. Në cilësinë e provës materiale, u sekuestruan dy aparate telefonike mobile dhe një pajisje kompjuterike laptop me të cilën i dyshuari ka kryer aktivitetin e paligjshëm.

Në ngarkim të të arrestuarit, u kryen veprimet proceduriale për veprat penale "Ndërhyrje të padrejta në jetën private" dhe "Përndjekja", parashikuar nga nenet 121 dhe 121/a paragrafi i dytë i Kodit Penale, të cilat ju dërguan për ndjekje të mëtejshme Prokurorisë së Rrethit Gjyqësor Krujë.

 

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

28 Janar, 22:00 nga Danjela Maloku