Kryqi i Kuq në Kurbin ka nisur një fushatë ndihme për familjet më në nevojë të zonës, duke ofruar vakte falas, kryesisht për fëmijët dhe të moshuarit. Në këtë kuadër, është shtruar një drekë për 20 familjet më të varfëra të zonës, në fshatin Adriatik të Kurbinit, pasi aty atmosfera e festave të fundvitit duket mjaft e varfër nga gjendja ekonomike e banorëve. Fshati Adriatik në Kurbin mbart mjaft probleme sociale e ekonomike. Papunësia dhe kushtet e vështira ekonomike të një pjesë e banorëve të ardhur nga zonat verilindore të vendit, e bëjnë jetën e tyre mjaft të vëshirë.