Kurti: Do jem kryeministri që do ketë raportet më të mira me Tiranën! Shqipëria të mos jetë për disa 'nënë e dashur' e për të tjerë 'njerkë e hidhur'

Kryetari i Partisë Demokratike Lulzim Basha ka pritur në zyrën e tij kreun e Lëvizjes Vetë Vendosje dhe kryeministrinë  zgjedhur të Kosovës Albin Kurtin.  Në një reagim në mediat sociale, Basha tha se e garantoi Kurtin, se nesër si kryeministër i Shqipërisë do të bëj gjithçka për të rritur dhe forcuar bashkëpunimin me Kosovën.

Më tej kreu i PD-së shton se bashkëpunimi do të jetë në funksion të zhvillimit ekonomik, punësimit, njohjes së saj nga vende qe ende se kanë bërë si dhe antarësimit në institucionet ndërkombëtare.

'Prita sot me kënaqësi liderin e Lëvizjes Vetëvendosjes, kryeministrin në ardhje të Kosovës Albin Kurti. E urova për fitoren e zgjedhjeve parlamentare, dhe modelin që Kosova i dha Shqipërisë dhe gjithë rajonit për mënyrën e organizimit të zgjedhjeve edhe pse në kushte pandemie.

Biseduam për sfidat që ka përpara Shqipëria dhe Kosova. Nënvizova gjatë takimit me zotin Kurti nevojën jetike që ka Shqipëria për ndryshim në zgjedhjet e 25 Prill dhe e garantova se nesër si kryeministër i Shqipërisë do të bëj gjithçka për të rritur dhe forcuar bashkëpunimin me Kosovën në funksion të zhvillimit ekonomik, punësimit, njohjes së saj nga vende qe ende se kanë bërë si dhe antarësimit në institucionet ndërkombëtare.'- tha Basha.

Presidenti Ilir Meta ka pritur në një takim liderin e Lëvizjes Vetëvendosje dhe kryeministrin e Zgjedhur të Kosovës, Albin Kurtin.

Presidenti Meta, teksa ka ndarë disa foto me Albin Kurtin shkruan se e uroi për fitoren e zgjedhjeve dhe mbi të gjitha për procesin e shkëlqyer zgjedhor, që realizoi Kosova.

Meta shkruan se ata ndanë shumë ide të vyera për forcimin e gjithanshëm të bashkëpunimit mes dy vendeve dhe përshpejtimin e proceseve integruese, për të garantuar një të ardhme më të mirë dhe të sigurt europiane, që meritojnë qytetarët tanë.

‘Sot kisha kënaqësinë të prisja në një takim vëllazëror, liderin e Lëvizjes Vetëvendosje, Albin Kurti, fitues të zgjedhjeve të fundit në Kosovë. E urova për fitoren, por mbi të gjitha për procesin e shkëlqyer zgjedhor, që realizoi Kosova.

Ndamë shumë ide të vyera për forcimin e gjithanshëm të bashkëpunimit mes dy vendeve tona dhe përshpejtimin e proceseve integruese, për të garantuar një të ardhme më të mirë dhe të sigurt europiane, që meritojnë qytetarët tanë.’- tha Meta.