Kurti dorëzon aplikimin për anëtarësimin në BE në Pragë: Ditë historike për popullin e Kosovës

Kryeministri i Kosovës, Albin Kurti, e ka dorëzuar aplikimin në Republikën Çeke - vendin që aktualisht kryeson Presidencën e BE-së.

Ceremonia është mbajtur në ndërtesën e Qeverisë çeke në Pragë, ndërsa aplikimin Kurti ia ka dorëzuar ministrit për Çështje Evropiane të Çekisë, Mikulash Bek.

Kryeministri Albin Kurti, në konferencën për media para dorëzimit të aplikimit, e quajti “ditë të jashtëzakonshme për demokracinë në Evropë”.

“Kemi ardhur në Pragë për të riafirmuar zotimin e pandryshueshëm të Kosovës ndaj vlerave themelore të BE-së, lirisë, demokracisë, të drejtave të njeriut, barazisë dhe sundimit të ligjit duke dorëzuar aplikimin për anëtarësim”, deklaroi Kurti.

Ai, gjithashtu, tha se është i vetëdijshëm që rruga për në BE bazohet në merita vetanake të shtetit.

“Nuk kërkojmë derë anësore ose procedurë të shpejtë për hyrje në BE”, tha ai.

Lajmi kryesor:

Kurti dorëzon në Pragë aplikimin e Kosovës për anëtarësimin në BE: Ditë historike! Vuçiç: Veç kërkesës nga NATO për 1 mijë trupa, do kërkojmë tërheqjen e njohjes nga shumë shtete

G.MO/Shqiptarja.com

TAG:
• serbi
• tensione ne veri te kosoves
• BE
• Vjosa Osmani
• Albin Kurti
• Bruksel