'Kurti të lërë Kosovën ose mund të vritet'/Vetëvendosje kallëzon penalisht anëtarin e Nismës: Gjuha e krimit s' ka vend në politikë

KOSOVË- Lëvizja Vetëvendosje ka paditur anëtarin e Nismës, Haxhi Hoti pas deklaratës së tij të fortë ku tha se Albin Kurti kishte dy rrugë, "të lëshonte Kosovës; ose mund të vritej".

Me anë të një reagimi zyrtar, VV shkruan se gjuha e urrejtjes nuk ka vend në politik, teksa sqaron se ai kërcënrim ka rretha rënduese për vëtë faktin që Hoti  është pjesë e pjesë e listës së kandidatëve në parlamet nga koalicioni PAN, që për partinë e Kurtit, ai është karakterizuar keqqeverisje e kapje të shtetit. Ndonëse Hoti, kërkoi falje me një postim të dytë, duke equajtur një gabim teknik dhe distancuar partinë e tij nga ky qëndrim, kjo "pendesë" nuk është marrë parasysh nga VV të cilët i janë drejtuat policisë për të bërë kallëzim.

"Gjuha e krimit nuk ka vend në politikë. Pasi u sinjalizuam nga mediat për një kërcënim brutal drejtuar kryetarit të Lëvizjes, Albin Kurtit, përfaqësuesi i zyrës ligjore të Lëvizjes, Berat Ganiqi, dorëzoi një kallëzim penal në stacionin policor “Qendër”, në Prishtinë.

LEXO EDHE:
Deputeti i LDK-së: Kurti ka blerë 582 milionë € energji në bashkëpunim me kompani serbe! Në dialogun me Serbinë sillet si ‘one man show'

Ne nuk e dimë nëse ai kërcënim ka qenë i porositur, gjakftohtë, apo i nxitur nga kultura e urrejtjes ndaj Lëvizjes, e cila është kultivuar për vite me radhë nga subjektet e pushtetit, që janë pasuruar paligjshëm duke varfëruar Kosovën. Këto gjëra duhet t’i zbulojë policia e prokuroria. Megjithatë, rasti ka rrethana rënduese, për shkak se kërcënuesi është pjesë e listës së kandidatëve për Kuvendin e Republikës, nga një parti e koalicionit PAN, të shquar për keqqeverisje e kapje të shtetit. Përveç subjektit të vet partiak, nga postimet e tij publike në rrjete sociale kuptohet se kërcënuesi është edhe adhurues i madh i presidentit të Republikës.

Shpesh e shohim fenomenin e përzierjes së elementëve me prirje të dhunshme e kriminale me elitat politike, ligjvënëse e ekzekutive. Pikërisht këtë fenomen synon ta luftojë Lëvizja VETËVENDOSJE! Populli i Kosovës nuk dëshiron që kriminelët të jenë në pozita pushteti. I vlerësojmë faktorët publikë e politikë, si edhe qytetarët që distancohen dhe dënojnë pa ekuivok dhe pa relativizim këtë sjellje të papranueshme. Presim nga policia e prokuroria të veprojnë sipas ligjit. Kosova e ka vetëm një rrugë përpara, atë të ligjit e të zhvillimit, në luftë pa kompromis kundër krimit, pabarazisë dhe injorancës", njofton VV.

Ditën e djeshme, Hoti shkruante: John F. Kennedy Ishte interes i popullit amerikanë që të jetë President, por nuk ishte interes i shtetit amerikanë që të jetë President. Albin Kurti është interes i popullit të Kosovës ndoshta, po nuk është interes i shtetit të Kosovës të jetë kryeministër. Albin Kurri ika 2 rrugë: ose ta lshoj Kosovën ose mund të vritet"...megjithatë ky status është fshirë më pas nga Hoti dhe nuk gjendet në më profilin e tij në rrjetet socialie. Pasi e ka fshirë, Hoti bëri një ndjesë publike.

Postimi i dytë i Haxhi Hotit

TAG:
• Lëvizja Vetëvendosje
• Haxhi Hoti

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.8%

Vota total: 1545

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq