Disa do të duan të ndalen në aspekte problematike, por Tirana dje ishte një dritë nga ajo që do të duam ta shohim përherë. Duke ndjekur çdo gjë që ndodhi nga televizionet italiane, komentet e mrekullueshme të gazetarëve, të teknikëve të sportit, të yjeve si Murinjo për Shqipërinë, do të ishim zemërzinj nëse nuk do të gëzonim, jo për Edi Ramën që me kokëfortësi labi bëri atë stadium të bukur, jo për Armando Dukën, që me siguri ka thurur marrëdhënie të vlefshme me kupolën e sportit europian, jo për Erjon Velinë e për policinë që menaxhuan atë fluks të madh tifozësh, por për Shqipërinë. A është ky patriotizmi i vërtetë? Të të bëhet zemra mal kur vendi yt kalon një ditë të mirë? Të ndjehesh mirë dhe të gëzosh kur të gjithë flasin mirë për vendin tënd? Kur pamjet dhe kronikat nuk janë si ato të përhershmet të problemeve, por të një gëzimi dhe drite?
Që në përurimin e Arenës Kombëtare, kush nga ne e kishte parë atë stadium të mbushur aq plot, me aq ngjyra dhe aq dritë? Kush i kishte parë rrugët e kryeqytetit me aq njerëz që festonin, ëndërronin, shpresonin, dashuronin skuadrën e zemrës? “E ndjek Romën që kur isha 12 vjeç”, - do të shprehej në mikrofonin e Report TV një italian me flokë të bardhë. Ishte ulur në shkallët e Amfiteatrit te Liqeni dhe priste si një fëmijë i lumtur, me sytë që i shkëlqenin, ndeshjen e mbrëmjes. Tifozët italianë kanë qenë me fat, ngjarje të këqija dhe trazira nuk kanë mundur t’ua ndërprejnë pasionin dhe dedikimin për sportin e bukur dhe gjithëpërfshirës të futbollit.
Tirana dje u mbush me dashuri nga ajo e tifozerisë më pasionante europiane dhe ne e pritëm shumë mirë, me po aq dashuri. Sigurisht, patën dhe nga ata që u bezdisën, që nuk duruan, që si “vjehrra e nuse qaramane” nuk shihnin asgjë nga kjo dritë, por kjo ka pak rëndësi. Kur dielli është në kulmin e tij, hijet bëhen shumë, shumë të shkurtra. Kështu ishin dhe hijet dje, në finalen e Conference League për Shqipërinë ku Roma fitoi 1-0 ndaj holandezes Feyenoord. Pas kësaj kemi vetëm një dëshirë: që ditët e mbrëmjet si dje t’i bëjmë 100, 1000!
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
