Iu zbulua depoja në Tiranë/ Kush është Dorian Kalo, i penduari drejtësisë Enver Jamaku nxori emrin e tij se merrej me prodhimin e armëve

Emri i Dorian Kalos ka dalë nga dëshmia e një bashkëpunëtori të drejtësisë Enver Jamakut, që e ka përmendur pikërisht si një nga personat që ka bazë për modifikimin e armëve të llojeve të ndryshme, duke i riparuar dhe duke i ndërruar pjesët.

Dëshmia e tij specifikonte se armët e prodhuara dhe modifikuara, Dorian Kalo dhe anëtarë të tjerë të grupeve kriminale që Jamaku përmend, i shisnin armët me porosi tek grupe të tjera kriminale, që më pas i përdorinin në krime kundër jetëes.

Rrëfimi i Enver Jamakut çoi disa persona në pranga dhe zbuloi 18 baza armatimi në Tiranë. Dëshmia e tij më e fortë ishte ajo për ekzekutimin e Domart Konjarit (sot në arrati), për të cilin është shprehur se i kanë dhënë shuma të konsiderueshme parash Flor Abazi, Blendi dhe Paris Deda.  Në tetor të vitit 2019, gjithçka ishte organizuar deri në perfeksion, duke u vendosur dy mina me telekomandë në makinë, por pati një ngatërresë. Në makinën e blinduar që shpërtheu, nuk ndodhej Konjari, por burri i motrës së tij, Artion Bylyku, i cili fatmirësisht i shpëtoi atentatit.

Lajmi kryesor:

'Pistoleta, silenciator e kallashnikovë', zbulohet një depo për modifikim armësh në Tiranë, 2 të arrestuar, u kapën duke punuar në punishte! Do shiteshin për vrasje (EMRAT)

M.Q./B.K./Shqiptarja.com

TAG:
• dorian kalo
• elvis bakalli
• policia e tiranes
• arme
• Tirane