Kush është gjyqtarja që votoi kundër lirimit të Tahirit, Apeli: Ish-ministri, jo rrezik për prishje provash

Ish-ministri i Brendshëm Saimir Tahiri i akuzuar nga prokuroria e Krimeve të Rënda për trafik narkotik në kuadër të grupit të strukturuar kriminal, ka fituar për të dytën herë në Apel, përballë me prokurorinë.

Trupa gjykuese e përbërë nga Fehmi Petku, kryetar gjykate, Sokol Binaj, dhe Saida Dollani janë ndarë 2 me 1 për sa i përket heqjes së masës së sigurisë “arrest shtëpie” për ish-ministrin.

Zëdhënësi i Prokurorisë së Përgjithshme Denion Ndrenika tha se në vendimin e djeshëm gjyqtarët janë ndarë dy pro Tahirit dhe një kundër, për lirimin e tij nga arresti shtëpiak. Edhe pse jo e konfirmuar zyrtarisht, burimë pranë “Shqiptarja.com” thanë se gjyqtarja që ka dalë kundër lirimit të Tahirit është Saida Dollani.

S’ka rrezik ikje e prishje prova
Në vendimin për lirimin e ish-ministrit, gjykata ka argumentuar se Tahiri nuk përbën rrezik ikje apo fshehje ndaj hetimit, për më tepër Apeli ka shtuar argumentimin se ish-ministri me humbjen e funksjoneve të tij,nuk përbën rrezik për prishjen e provave duke cënuar fatin e hetimeve.

Mësohet se gjykata e Apelit ka pranuar se ekziston dyshimi i arsyeshëm për implikim të Tahirit në trafikun e drogës, por këto prova nuk përbëjnë shkak që ai të qëndrojë me masë sigurimi të “arrestit shtëpiak”. Në fakt trupi gjykues i përbërë nga Fehmi Petku, Sokol Binaj, dhe Saida Dollani në muajin janar 2018 mori vendim që ti kthente pasaportën e sekuestruar nga prokuroria ish-ministrit të Brendshëm Saimir Tahiri.

Seanca e të hënës u parapri nga një koment i avokatit Maks Haxhia mbi mesazhin e një ditë më parë të ambasadorit amerikan Doland Lu drejt gjykatës për një vendim të bazuar në prova dhe jo mbi presione. Në të njëjtën kohë,në hyrjen tjetër një patrullë policie solli në gjykatë ish-ministrin e akuzuar për “trafik narkotikësh” në formën e grupit të strukturuar kriminal dhe të “korrupsionit”.

Teksa makina ka hyrë në tunelin e gjykatës, disa zimpatizantë të ish-ministrit të Brendshëm e pritën atë me prohorima. Senaca u zhillua pa praninë e gazetarëve, kërkesa zyrtare e të cilëve për të marrë pjesë në këtë gjykim u refuzua nga gjykata.

Arresti shtëpiak e pretendimi i Tahirit
Në seancën gjyqësorë të zhvilluar në shkallën e Parë, në të cilën pati jo pak debat, Tahiri pretendoi se prokuroria nuk kishte sjellë prova të reja dhe se kishte “keqdashje” në provat e sjella dhe jo me mirëbesim dhe në zbatushmëri të ligjit dhe mbrojtjes së të drejtave të tij si qytetar i thjeshtë.

LEXO EDHE:
Raporti i SPAK: Veçoritë e grupeve kriminale shqiptare nga Shkodra, në Vlorë! Harta ku veprojnë! Të përfshirë dhe biznesmenë të fuqishëm, lidhje me policë e funksionarë të drejtësisë

Unë këto prova i kam ditur. Nëse duhet të mbahem i izoluar për këto prova, atëherë ky qenka standardi? Me këto prova që ka sjellë prokuroria, tregon se ka hetuar pushimet e mia në 2014. Pra jam hetuar si grup i strukturuar miqësor dhe jo si grup i strukturuar kriminal.

Saimir Tahiri, ish-ministri i Brendshëm

Por sërisht gjyqtarja e shkallës së parë, Liljana Baku, ka vendosur ta mbyllë brenda mureve të banesës së tij, ish-ministrin Tahiri. Por ky vendim i gjyqtares Baku është shfuqizuar nga Gjykata e Apelit për Krime të Rënda, duke lënë Tahirin pa masë sigurimi. Tahiri është liruar që në sallën e gjyqit.

TAG:
• saimir tahiri
• trafiku i droges

Sondazhi i ditës:

Partia e Mitsotakis kandidon Fredi Belerin për eurodeputet, si e vlerësoni?

• Pozitive

  11.9%

• Negative

  82.7%

• Nuk e di

  5.4%

Vota total: 1931

• Sondazhi i ditës:

  Partia e Mitsotakis kandidon Fredi Belerin për eurodeputet, si e vlerësoni?

  Pozitive Negative Nuk e di