Kush është vrasësi me pagesë që u arrestua sot, në 2017 mori peng një person për borxhin 4 mijë euro

Një 41 vjeçar nga Shkodra u arrestua ditën e sotme në Gjirokastër pasi dyshohet se është vrasës me pagesë.

Dod Gjikolaj dyshohet se ka kryer vrasje me armë dhe lëndë eksplozive në Kosovë kundrejt pagesës.

Ai është dënuar nga Gjykata e Gjakovës me 6 korrik të vitit 2020, e cila ka lëshuar një urdhër arresti ndërkombëtar në ngarkim të 41 vjeçarit për veprat penale "Vrasje" dhe "Armëmbajtje pa leje të armëve dhe municioneve luftarake dhe shpërthyese".

Por 41 vjeçari nga Shkodra është i njohur edhe për policinë shqiptare.

Në gusht të vitit 2017, Gjikolaj mori peng Pjetër Narkajn për një borxh prej 4 mijë eurosh që nuk i ishte kthyer.

Pas denoncimit të familjarëve, policia arriti që të zbardhë ngjarjen.

Lajmi kryesor:

VIDEO - Arrestohet në Gjirokastër vrasësi me pagesë, ekzekutoi me eksploziv një person në Gjakovë (EMRI)

/r.k./Shqiptarja.com

TAG:
• Shkoder
• vrases me pagese
• dod gjikolaj
• pjeter narkaj