POP 5

Lajmet më të lexuara të 5 minutave të fundit

Politikë

Kush kryen krime ndaj fëmijëve s'do të ketë të drejtë të kërkojë gjykim të shkurtuar! Qeveria propozon ndryshimin në Kodin e Procedurës Penale

Qeveria ka propozuar projektligjin për ndryshime në Kodin e Procedurës Penale të Republikës së Shqipërisë. Në projektligjin e miratuar në mbledhjen e Këshillit të Ministrave parashikohet që personat të cilët kanë kryer krime ndaj të miturve të mos kenë të drejtë për të kërkuar gjykim të shkurtuar.

Qeveria ka propozuar projektligjin për ndryshime në Kodin e Procedurës Penale të Republikës së Shqipërisë. Në projektligjin e miratuar në mbledhjen e Këshillit të Ministrave parashikohet që personat të cilët kanë kryer krime ndaj të miturve të mos kenë të drejtë për të kërkuar gjykim të shkurtuar.

Nëni 403 i Kodit Penal thotë se personat të cilët kanë kryer krime të rënda që dënohen me burgim të përjetshëm nuk kanë të drejtë të kërkojnë gjykim të shkurtuar. Nëse miratohet në Kuvend projektligji i propozuar nga qeveria atëherë edhe personat që kryejnë krime ndaj të miturve nuk do kenë të drejtë të kërkojnë gjykim të shkurtuar.

"Në paragrafin e dytë, të nenit 403, të ligjit nr.7905, datë 21.3.1995, “Kodi Procedurës Penale i Republikës së Shqipërisë”, të ndryshuar, pas fjalëve “… me burgim të përjetshëm …” shtohen “…, krimet e kryera ndaj viktimave të mitur si dhe për veprën penale të parashikuar nga neni 130/a i Kodit Penal …”- përpilohet në projektligjin e propozuar nga Këshilli i Ministrave që do të dërgohet për votim në Kuvend. 

Për miratimin e këtij projektligji në Kuvend janë të nevojshme 84 vota nga ligjvënësit.

Sipas ligjit, të dënuarit të cilët kërkojnë gjykim të shkurtuar përfitojnë uljen e një të tretës të dënimit që marrin nga gjykata.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shkodrani-Belgjike: 04/05/2023 18:32

    Gjykimi i shkurtuar duhet te hiqet per te gjitha krimet.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

25 Dhjetor, 08:15