Sekretariati i Kuvendit për Procedurat dhe Votimet ka rrëzuar ditën e sotme kërkesën e opozitës për anulimin e votimit të ligjit për Teatrin Kombëtar që kaloi ditën e enjte me 75 vota pro. Opozita ditën e premte i dërgoi një kërkesë Kuvendit që ligji të anulohej, pasi procesin e cilëson të manipuluar. Kërkesa e opozitës bazohej në faktin që deputeti Vangjel Tavo nuk ishte në Kuvend, ndërkohë që rezultonte se kishte votuar, pasi me kartën e tij votoi Robert Bitri, ish-deputet i LSI, tashmë i pavarur.
Për këtë arsye opozita vendosi sot që të bojkotonte Kuvendin. Ndërkohë që kryetari i Kuvendit Gramoz Ruçi mblodhi Sekretariatin për Procedurat dhe Votimet. Sekretariati përbëhet nga anëtarët Adnor Shameti, Alket Hyseni dhe Enkelejd Alibeaj nga radhët e PD. Në fund të diskutimeve, Sekretariati vendosi që ta cilësonte votimin si të rregullt duke rrëzuar pretendimet e opozitës. Report Tv mëson se në mbledhje është parë videoja e ndërrimit të kartës së deputetit të pavarur Robert Bitri, i cili votoi pro ligjit me kartën e deputetit të LSI, Vangjel Tavo.
Burime nga mbledhja bëjnë me dije për Report Tv se karta e Bitrit është zëvendësuar nga dy deputetë të LSI, Braimllari dhe Panariti në kohën kur ai nuk ka qenë në karrigen e tij. Bazuar në këtë video, PS e cilëson si taktikë nga opozita për ta shpallur të pavlefshëm, ndërsa në fund e cilësuan si të vlefshëm procesin. Pra Bitri ishte pre e një kurthi nga deputetët e tjerë të LSI. Karta nuk dallon, pasi është me çip dhe Bitri ka votuar, ndërsa në zbardhje te procesverbalit është zbuluar. Kryetari i Kuvendit Ruçi e komunikoi edhe zyrtarisht vendimin në fund të seancës së sotme duke e konsideruar të drejtë, pasi sipas tij përpos arsyeve të tjera rasti i Bitrit nuk ndikon as në vendimarrje, pasi ligji kaloi me 75 vota, nga 71 që duheshin.
Sekretariati thirri edhe Robert Bitrin dhe me shumicë votash rrëzoi kërkesën e PD dhe LSI për shpalljen të pavlefshëm të votimit. Ligji është i vlefshëm. Argumentet janë si vijon; procedura e saktë, votimi ka qenë i hapur, me elektronikë dhe ngritje dore, në parim dhe tërësi. Rezultati nuk ndikon në vendimmarrje. E konsideroj të drejtë vendimin e sekretariatit.
Gramoz Ruçi
Diskutimi në Kuvend për ligjin e Teatrit Kombëtar
Gramoz Ruçi: Sot jam njohur me kërkesë, kam autorizuar që të mblidhet sekretariati për procedurat e votimit dhe të investigojë dhe mbi bazën e mendimit të tyre do të kem një qëndrim.
Petrit Vasili: Në përputhje me rregulloren kërkesa jonë për shkak të kësaj seance, është depozituar dy ditë përpara. Ka qenë koha e nevojshme për të bërë investigimin e duhur. Është standard shumë i ulët, që vota u tjetërsua në Kuvend. Është e papranueshme që në këtë situatë ne të vijojmë sikur nuk ka ndodhur asgjë. Për këto arsye ne nuk vazhdojmë dot së bashku deri kur të sqarohet situata dhe votimi të ribëhet.
Edmond Spaho: Edhe unë mbështes qëndrimin e kolegut Vasili. Votimi i së enjtes me një akt të paprecedent, procesi i votimit kishte defekte, rezultati i votimit u manipulua. Kuvendi duhet të kishte verifikuar pretendimet e opozitës. Në këto kushte nuk do të marrim pjesë në seancë, pasi gjendje të tilla po bëhen të zakonshme.
Gramoz Ruçi: Unë kërkesën sot e kam marrë, e keni depozituar, të shtunë dhe të diel nuk ka funksionuar administrata. I kam dhënë porosi administratës të shqyrtojë cështjen dhe të pastaj do të marr vendimin.
Taulant Balla: Dua të sqaroj opinionin se nga ana e grupit të PS nuk ka pasur asnjë deputet që të ketë votuar në emër të një deputeti tjetër. Deputetit Bitri në vendin që voton i është vënë kartë e një deputeti tjetër. Le ta hetojë dhe ti shkojnë deri në fund. Por LSI dhe PD të thonë arsyen e vërtetë të bojkotit, pasi në mos 75, 74 vota, nëse e drejta Bitrit do i hiqet. I bëj thirrje LSI, pasi PD është kundra, pasi sot duhet të votojmë ligjin për shkollën e magjistraturës. Kjo është arsyeja e bojkotit.
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Ikën Abigeila Voshtina, kompozitori Aulon Naçi drejtori i komanduar i Teatrit Kombëtar të Operas
18 Dhjetor, 09:53 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
VKM/ Shkarkohet drejtoresha e Teatrit të Operas dhe Baletit, Abigeila Voshtina
13 Dhjetor, 19:43 -
Balla pret Presidentin e Institutit Italian për Kujdesin e Punëtorëve, në fokus të drejtat e punëmarrësve shqiptarë në Itali
6 Dhjetor, 14:23 -
Sfidat e procesit të zbatimit të rekomandimeve nga institucionet e pavarura, Balla: Zbatueshmëria është në rritje, të adresojmë problemet!
4 Dhjetor, 15:03 -
Berisha kërkoi 1 minutë heshtje për profesor Repishtin, Balla e 'shigjeton': Fyerje, vite më parë e akuzove si spiun të Sigurimit (VIDEO)
3 Dhjetor, 16:48
