Kushi takim me Presidentët e Profesioneve të Parregulluara: E gatshme për bashkëpunim!

Ministrja e Arsimit, Evis Kushi ditën e sotme ka zhvilluar një takim me Presidentët e Urdhrave të Profesioneve të Rregulluara, ku ajo garantoi gatishmërinë e saj dhe institucionit që ajo drejton për të pasur një bashkëpunim sa më të ngushtë me ta për adresimin e çështjeve që prekin punën tonë të përbashkët.

Ministrja e bëri me dije këtë takim, përmes një postimi në rrjetin e saj social Facebook.

Kushi shkruan se Shqipëria është në një fazë të rëndësishme të rrugëtimit të saj drejt BE-së, ku një pjesë jo e vogël e ndryshimeve ligjore përfshin edhe profesionet e rregulluara.

“Në këtë kontekst, bashkëpunimi ynë do të jetë një mundësi më e mirë për të pasur një kuadër ligjor konform legjislacionit të BE-së dhe për të rritur gjithashtu cilësinë e profesionistëve tanë.”, shkruan ajo.

Ministrja në fund është shprehur se profesionistët më të mirë-arsimuar do të sjellin pa diskutim jo vetëm përmbushjen e standardeve evropiane por njëkohësisht edhe përmirësimin e ofrimit të shërbime ndaj qytetarëve.

 

J.GJ./r.k./Shqiptarja.com

TAG:
• BE
• ministria e arsimit
• Evis Kushi