POP 5

Lajmet më të lexuara të 5 minutave të fundit

Kosova & Rajoni

Kushtet e VMRO për Kovaçevskin, Osmani: BDI gati të lërë qeverinë për ndryshimet kushtetuese

VMRO-DPMNE-ja këmbëngul që lideri i LSDM-së, Dimitar Kovaçevski të vendos mes dy opsioneve: Qeveri pa BDI-në apo zgjedhje të parakohshme. Sipas opozitës, Kovaçevski po manipulon opinionin kur thotë se VMRO-DPMNE-ja ka pranuar ndryshimet kushtetuese.

Maqedoni e Veriut - VMRO-DPMNE-ja këmbëngul që lideri i LSDM-së, Dimitar Kovaçevski të vendos mes dy opsioneve: Qeveri pa BDI-në apo zgjedhje të parakohshme. Sipas opozitës, Kovaçevski po manipulon opinionin kur thotë se VMRO-DPMNE-ja ka pranuar ndryshimet kushtetuese.

“Kovaçevski menjëherë të prononcohet dhe të tregojë cili nga propozimet e VMRO-DPMNE-së është i pranueshëm. Propozimi i parë është që hyrja në fuqi e ndryshimeve kushtetuese të shtyhet deri në momentin kur Maqedonia do të bëhet anëtare e BE-së dhe Qeveri kalimtare pa BDI-në brenda saj, apo propozimi i dytë, zgjedhje në shtator”, deklaroi Naum Stoillkovski, Zëdhënës i VMRO-DPMNE-së.

BDI në mbledhjen e fundit të kryesisë ka vendosur që t’i përshtatet të gjitha kërkesave të VMRO-DPMNE-së, përkatësisht Qeveri e zgjeruar pa BDI por me kushtin që sipas tyre bazohet në kornizën negociuese. Partia e Ahmetit është e gatshme të mbështes edhe shfuqizimin e Qeverisë teknike, por kërkon vetting cilësor duke filluar nga krerët e partive.

“Për shkak se korniza negociuese nuk njeh model tjetër alternativ për të vazhduar me konferencën e dytë ndërqeveritare dhe hapjen e kapitujve përveçse hyrjen në fuqi të ndryshimeve kushtetuese. Nëse ky është kushti i opozitës, që BDI të mos jetë pjesë e Qeverisë ne jemi të gatshëm që menjëherë të bëjmë një marrëveshje të tillë ose të konfirmojmë një qëndrim të tillë, nëse opozita do të mbështesë ndryshimet kushtetuese të cilat do të hyjnë në fuqi para formimit të asaj Qeverie ose para mbledhjes së dytë ndërqeveritare”, tha Bujar Osmani, Zëdhënës i BDI-së.

Kryeministri Kovaçevski gjatë takimeve me qytetarët ka deklaruar se mbështetja e ndryshimeve kushtetuese nga VMRO-DPMNE-ja është për t’u përshëndetur. Sipas tij, tani është koha që bashkërisht të sillen vendime të rëndësishme për të ardhmen e vendit./Alsat

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29