Kuvendi çeli ditën e djeshme sesionin e 7 të legjislaturës së tij të dhjetë, në një seancë të posaçme që zgjati rreth një orë.
Por, ndryshe nga seancat e sesionit të kaluar ku opozita ka nxitur përplasje dhe dhunë këtë senacë duket se pati paqe mes palëve.
Kështu e ka parë senacën e parë të Kuvendit gazetari Mentor Kikia, i cili në një lidhje skype për ‘Lajmi i Fundit’ në Report Tv, u shpreh se palët kanë një qasje për të qenë më bashkëpunuese me njëra tjetrën.
“Nuk duhet të presim që parlamenti të kthehet në kishë, ku të gjithë të jenë në paqe dhe të luten, Parlamenti është një arenë ku prodhohet politikë dhe ky opozita dhe mazhoranca janë në kontraditë me njëra- tjetrën sepse kjo është demokracia. Ajo që ne na bënë të ndihemi mirë është kur shohim që nuk ka konflikte sepse parlamenti ka qenë konfliktual dhe kjo jo më shumë për përplasjet parimore që kanë të bëjnë me standardin e ligjeve që miratohen. Palët kanë një qasje për të qenë më bashkëpunuese dhe kështu duhet që të jetë”, tha ai.
Sipas tij, opozita ka hequr dorë nga aksionet për të bllokuar seancat në kuvend.
“Opozita ka hequr dorë nga aksioni politik që kishte për qëllim të bllokonte seancat dhe kjo është konfirmuar me krijimin e komisioneve si është ai për reformën zgjedhore, që çoi në një lloj marrëveshje mes palësh që vazhdon ende të gjykohet publikisht për rolin që mund të ketë ndaj reformës në drejtësi, por që dëshmojnë një qasje tjetër mes raporteve politike mes mazhorancës dhe opozitës. Unë them se ky sesion do jetë ndryshe dhe nuk do të jetë i mbushur me ato sherret pa asnjë produktivitet”, tha ai.
Opozita duket se do të shkoj në zgjedhjet e ardhshme e ndarë në disa pjesë, gjë për të cilin sipas gazetarit kjo është një disavantazh për opozitën.
“Ka një ndryshim në kampin e mazhrancës, ku çdo votë proqeveritare shkon tek kutia e PS, në kampin opozitar jo çdo votë kundër qeverisë shkon në kutinë e një partie të vetme, janë të paktën 10 parti politike dhe gjasat janë që të shtohen. Alibeaj është në një kurs politik mosdakordësie me Bashën dhe në vend që partitë e opozitës të bashkohen për të bashkuar votat, ndahen. Unë them se s’ka asnjë shancë që opozita të vijë në pushtet. PS është parti e organizuar dhe e angazhuar, ndryshe nga partitë opozitare që hidhen vetëm kur vijnë zgjedhjet”, tha ai.
I pyetur lidhur me zgjedhjet e ardhshme nëse i sheh si një test për Metën dhe Berishën, ai u shpreh e ata duhet që ta kishin mbyllur karrierën politike tashmë.
“Ata e kanë përfunduar dhe duhet ta kishin mbyllur karrierën e tyre politike, por duhet pritet edhe një proces zgjedhor për të parë se ku janë ata në raport me votën dhe me mbështetjen e qytetarëve. Berisha ka arritur majat e suksesit dhe nuk ka më arsye për të provuar, Meta ka provuar postin e kryetarit të shtetit dhe tani kërkon të bëhet kryetar komune. Duhen qasje të reja, Berisha, Meta dhe Basha janë provuar”, tha ai.
Komente
Lajme të tjera
-
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
Sondazhi i Report Tv, Mentor Kikia: Shqiptarët nuk janë të gatshëm të mbështesin rikthimin e Berishës! SPAK ka rritur besimin e qytetarëve tek drejtësia
13 Dhjetor, 13:57 -
Siguria në shkolla, a po përdoren fëmijët nga Qeveria dhe Opozita?
27 Nëntor, 16:37 -
Taksa e fjetjes në hotel, këshilltarët e opozitës bllokojnë miratimin e Paketës Fiskale në Sarandë
27 Nëntor, 16:18
-
Edi Rama: 100 - 150 euro bonus për pensionet në fundvit, marrin edhe në pranverë! Qylymat fluturues të Sudes e Rrapushëve tregojnë një tufë përrallash (Fjala e plotë në Parlament)
18 Nëntor, 14:48
-
‘Hetimori’ i Shëndetësisë, Zhupa për Report Tv: Të pyeten Rama e Vilma Nushi! Ndreca: Show politik, të dëshmojë Beqaj
14 Nëntor, 00:55 -
Buxheti 2025/ Gjykata Kushtetuese kërkon rreth 15 mln lekë më shumë! Papandile: Numri i ankimeve është rritur, kemi nevojë për punonjës
13 Nëntor, 11:10 -
Ekonomia/ Koçiu për buxhetin e Shëndetësisë: Hera e parë që kalon 1 mld euro, rimbursim ilaçesh për 400 mijë qytetarë, dëmshpërblim ish të përndjekurve dhe bonus bebesh
12 Nëntor, 13:13 -
Komisioni i Çështjeve Ligjore/ Sekretari i KLP: Duhet fond për sigurinë kibernetike! ILD: Kemi nevojë për para shtesë! Alibeaj: Këtu duhet të ishin kryetarët
11 Nëntor, 11:37 -
Alban Daci: Më mirë vetëm se i keq shoqëruar
10 Nëntor, 22:19
-
Pjesëmarrja e opozitës në Kuvend, Evis Kushi në Report Tv: Kuptuan se me dhunë dhe djegie karrigesh nuk arrijnë asgjë! Ja cilat janë ristë e platformës ‘Deputeti që duam’
8 Nëntor, 15:53 -
Gjykata Administrative shfuqizon vendimin e Kuvendit për përjashtimin e 24 deputetëve të PD nga seancat plenare
6 Nëntor, 13:10
Lajm i mire dhe i keq kur opozita /shtrohet/ ne Kuvend.I mire,se nuk do te shohim me majmunlleqe cdo jave dhe Kuvendi, do te kete nje fare produktiviteti edhe pse le per te deshiruar.I keq,sepse ky /shtrim/nuk vjen se u emancipuan e u ndergjegjesuan veshegjatet e Kuvendit,po ata qe ishin, jane(sic ua vuri graden e nivelit dje i nderuari z.K.Spahiu),por i keq eshte ky /shtrim/se vjen nga pazarlleqe te poshtera ne prapaskene,jo nga bashkepunim e dakortesim i mire,i hapur e ne /shesh te mejdanit/.Dhe gjithashtu eshte lajm i keq qe opozita nuk vjen me ne pushtet per tre arsye:1-Sepse con ne autokraci te partise se rradhes ne pushtet.2-Sepse kjo mosardhje eshte shkaktuar nga liderat e tyre qe kane humbur perkrahjen dhe besimin tek votuesi i pergjithshem dhe te nje pjese e anetareve te partive per shkak te kalcifikimit te tyre ne pushtet, per problemet qe kane ose do te kene me drejtesine,apo dhe per imazhin qe kane krijuar.3-Sepse opozita duke perqendruar gjithe fuqite perreth liderve te saj,harron per cfare eshte aty,apo cfare mund t'a sjelle ne pushtet,si programe te reja politike per te ardhmen e vendit,ide konstruktive,apo kritika ndaj pozites qe mund te fitojne perkrahje masive,pertej militantizmit.
Përgjigju