I zhveshur nga imuniteti i deputetit, në orën 18:00 Sali Berisha i panikosur mblodhi kryesinë e Rithemelimit ku kërkoi një angazhim më të fortë ndërsa sulmin politik këtë herë e drejtoi tek Gjykata Kushtetuese e cila dje nuk pranoi për të shqyrtuar kërkesën e 30 deputetëve të Rithemelimit për pezullim të masës së sigurisë ndaj tij për aferën Partizani dhe për rrjedhojë dhe legjitimoi masën e sigurisë dhënë nga GJKKO
“Do t’u thosha se në këtë proces, akti më i turpshëm që tejkalon çdo imagjinatë, është vendimi i Gjykatës Kushtetuese. Gjykata Kushtetuese dëshmoi dje se ajo përbën dje seksionin më militant të PS. Vendimi i djeshëm i gjykatës, tejkalon çdo imagjinate.
A mund të imagjinohen gjykatës, të cilët pasi u rritën rrogat në 6 milionë, u verbohen sytë për të lexuar Kushtetutën? Dy-tre gjëra mund t’u them. Në vendimin e tyre, mashtrojnë në mënyrën më të turpshme. Dhunojnë ligjin dhe logjikën njerëzore, kur thonë se grupi i një të pestës së deputetëve, është entitet me fuqi të kufizuar në kërkesat para Gjykatës Kushtetuese. Dhe se entiteti Kuvend merr përparësi”.
Gjykatësit mashtrojnë në mënyrë të paimagjinueshme. Çfarë përfaqëson një e pesta e deputetëve? Kjo nënkupton se ata janë opozitarë. Por me kusht që të jenë një e pesta, jo më pak. Këtij përcaktimi të kristaltë kushtetues, gjykatësit i kundërvunë fantazinë e tyre të sëmurë militante. Po në këtë rrjedhë, duke shpërfytyruar veten e tyre, duke shkelmuar mbi veten dhe dinjitetin e tyre, thonë se një e pesta nuk legjitimohet se kjo kërkesë duhet të jetë e parlamentit dhe jo e deputetëve. Me një fjalë, për këta deputetë që Kushtetuta u njeh të drejtën e pakufizuar në të drejtën ndaj kësaj gjykate, që gjykata gjer dje ua ka njohur dhe respektuar këtë të drejtë. Vetëm tre javë më parë, gjykata ka pranuar ankesën e tyre për protokollin e marrëveshjes Shqipëri-Itali, që në fund të fundit ishte marrëveshje mes dy qeverive."
Më tej Berisha tha se duhet të konceptojnë qëndresën duke shfrytëzuar më mirë rrjetet sociale. Pra si duket Berisha nga revolucioni që paralajmëroi nëpër rrugë tashmë po e orienton aksionin politik në facebook.
“Ne jemi të vetëdijshëm, betejën pa kthim e nisëm ose e shpallëm pas përfundimit të dokumentimit të plotë shkatërrimit të zgjedhjeve në Shqipëri, të vjedhjes së votës nga Edi Rama në Shqipëri. Dhe ajo ishte e domosdoshme. Premtimi ynë ndaj shqiptarëve, detyrimi ynë ndaj shqiptarëve është që të mos i mashtrojmë, përkundrazi që ata të votojnë të lirë. Diktatura ka krijuar një propagandë të stërfuqishme. …Kjo kërkon që ne të përdorim çdo mjet që kemi në dorë, dhe faktikisht nuk e kemi përdorur siç duhet, dhe këto janë rrjetet sociale. Ato duhet të jenë ekranet tona televizive, ato duhet të jenë debatet tona. Ndaj dhe në këtë situatë ato bëhen më të rëndësishme, me rol më kritik se asnjëherë më pare”.
Ndërkaq një nga vendimet që Berisha mori ishte që të mbledhë të shtunën në orën 12:00 Këshillin Kombëtar të Rithemelimit. Për të bërë riorganizimin, u vendos krijimi i 4 rajoneve, të cilët do të drejtohet nga 4 koordinatorë. Po kështu Berisha ka vendosur që t’i bëjë ftesë Bardhit e deputeteve të tij që të bëhen pjesë e riorganizimit të Rithemelimit.
Parlamenti votoi sot mes kaosit me 75 vota pro të maxhorancës autorizimin që SPAK të arrestojë ish kryeministrin, nën hetim për aferën e privatizimit të klubit Partizani. Berisha i pranishëm në seancë refuzoi të merrte fjalën për t’u mbrojtur. Tashmë ‘topi’ është në SPAK, i cili pritet t’i drejtohet GJKKO-së me kërkesën për arrest me burg ose arrest shtëpie për Berishën.
Pas përfundimit të mbledhjes së kryesisë së Rithemelimit, Sali Berisha, të cilit sot i është hequr imuniteti, tha për gazetarët se vendimet janë një shumëfishim i përpjekjeve për betejën pa kthim. Ndërkohë që pritet arrestimi i tij, Sali Berisha u pyet nga gazetarët nëse do të jetë në protestën që ka paralajmëruar në 27 dhjetor. I pyetur nëse do të ngujohen në seli, Berisha tha që gjithçka është e hapur.
Pyetje: Duke qenë se sot është vendosur riorganizimi i partisë ...
Sali Berisha: Jo riorganizimi jo. Jo i partisë, sektori i organizimit, krijohen postet e koordinatorëve si ndihmës të kryetarit të cilët do të merren me organizimin e partisë nga një rajon secili.
Pyetje: A është Sali Berisha i pakënaqur me strukturën organizative të partisë...
Sali Berisha: Partia është në këmbë, por përmirësimi, dhe mund të them se kjo situatë kërkon disa ndryshime, përmirësime të mëtejshme. Partia nuk ndalet më.
Pyetje: Datë për protesta të tjera...
Sali Berisha: Padiskutim, data 27 është ditë proteste.
Pyetje: Do ta drejtoni ju atë protestë. Do të jeni ju te Gjykata e Lartë...
Sali Berisha: Ta shohim.
Pyetje: Analistët ngrenë pikëpyetje dhe thonë se nëse z. Berisha ka nisur përgatitjet nëse vendoset ‘arrest shtëpie’ të qëndrojë në seli. Keni një përgjigje për ta.
Sali Berisha: Gjithçka është e hapur. Më duhet këshilla e avokatit.
Në mbledhjen e sotme të kryesisë së Rithemelimit, burime për gazetaren e Report Tv Danjela Maloku, bëjnë me dije se është vendosur riorganizmi, përmes ndarjes në rajone kryesore, që do drejtohen me 4 koordinatore.
Po ashtu në mbledhjen e kryesisë është vendosur që t’i bëhet ftesë Bardhit e deputeteve të tij që të bëhen pjesë e riorganizimit të Rithemelimit.
Sali Berisha bëhet politikani më i rëndësishëm i Shqipërisë post komuniste për të cilin pritet arrestimi. Parlamenti votoi me 75 vota pro të maxhorancës autorizimin që SPAK të arrestojë ish kryeministrin, nën hetim për aferën e privatizimit të klubit Partizani. Tashmë ‘topi’ është në SPAK, ku ka mbërritur dhe vendimi i kuvendit.
Pas përfundimit të mbledhjes së Kryesisë ditën e sotme, ish-kryeministri Sali Berisha ka njoftuar se do të mbledhë Këshillin Kombëtar të Rithemelimit ditën e shtunë, gjithmonë nëse Gjykata ende nuk ka marrë një vendim për ashpërsimin e masës së sigurisë ndaj tij në arrest shtëpie ose arrest në burg.
Komente
Lajme të tjera
-
Ja pse 'lirimi' i Sali Berishës i gëzoi të gjithë
27 Nëntor, 23:04
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
erdhi dhe fundi i rusistit serbistit sali berisha ,me ket qe beri spaku ka fituar piket maksimale dhe ka ndaluar okupimin e ballkanit nga rusia e serbia
PërgjigjuBlej arken me sapuna sali kerma se do te duhet ne burg,,,kuujtove ti se ta fali fatos nano qe e fute ne burg...tani fatosi mori hak...bum..bum..bum..
PërgjigjuSaliu mne fund ka momentin e tij me te verteten. Te shohim nese do ti perulet organizates hibride korruptivo-kriminale te trashegimise enveristo-byroiste dhe burokrateve te vecante kleptokrate te Washingtonit, apo do beje qendrese, sic dhe po ben? McGionigal e mori nje denim dhe pret te dytin per korrupsionin per konspiracion ne bashkepunim me Edi Ramen. Shoket dhe shoqet e McGonigal vertete kane kapur dhe perdorin si leter higjenike SPAK e GJKK por jo Gjyqesorin ne SHBA.
PërgjigjuSaliqen Mortja eshte vete Skenaristi, regjisoI dhe aktori i filmit te tij dramatik "fundi i kolerëa komuniste" dhe pret te marri çmimin Muti i artë
PërgjigjuKy eshte keshilli i busallenjve qe drejrohet nga Sali Qen Kolera dhe nga nevojtorja e tij personale Flamur Palla , I cmendur ne liri ...
Përgjigju