Kuvendi i Kosovës/ Kurti: Pranojmë asociacionin por kam 6 kushte, Serbia të tërheqë letrat e mosnjohjes në 5 vendet e BE! Vuçiç: Përralla

KOSOVË- Mes shumë refuzimesh, Kryeministri Albin Kurti deklaroi në Kuvendin e Kosovës se krijimi i Asociacionit të komunave me shumicë serbe, do të behët, por më parë duhet të plotësohen 6 kushte. Së pari kjo strukturë duhet të jenë në përputhje me kushtetutën dhe ligjet ne fuqi. Kurti tha se asociacioni nuk mund të jetë një etnik.   

“Duhet të ndërrojë emrin, nuk mund të bartë asnjë pushtet publik apo ekzekutiv dhe duhet t’i shërbejë vetëm bashkëpunimit horizontal të komunave, sipas Kushtetutës dhe Ligjit për vetëqeverisje locale. Të drejtat e pakicave kombëtare dhe mekanizmat mbrojtës përkatës duhet ta ngërthejnë parimin e reciprocitetit ndërmjet dy shteteve, si dhe të marrin parasysh standardet dhe modelet evropiane”.” – tha mes tjerash, kryeministri i Kosovës.

Por në “sinkron” me të, ishte edhe Presidenti Vuçiç, Aleksandër Vuçiç duke dhënë llogari në Kuvendin e Beogradit për çështjen e propozimit franko-gjerman, të cilën serbët e opozitës e shohin si përulje ndaj Kosovës dhe mungesë transparence. Teksa në dy kuvendet zhvillohej seancë e jashtëzakonshme për dy kombe që nga ndërkombëtarët garantojnë dialogun, Vuçiç i ka cilësuar kushtet e Kurtit si përralla.

LEXO EDHE:
Konfirmohet rasti i parë me linë e majmunëve në Kosovë

Gjatë diskutimeve për Kosovën, Vuçiç ka thënë se Kurti në fakt "nuk do të formojë Asociacionin".

Në kundërshti me kushtet e Kurtit ka reaguar edhe opozita në Kuvendin e Kosovës, ndonëse kryeministri ka thënë se krerët opozitarë kanë qenë në dijeni për to.

Kryeministri Kurti ka deklaruar se krerët e opozitës kanë qenë në dijeni për këto kushte. Por kreu LDK-së Lumir Abdixhiku, kritikoi kushtin për çarmatosjen e veriut të Kosovës. Abdixhiku tha se kjo nuk është çështje për dialog me Serbinë, por është detyrë e Kurtit dhe organeve të rendit. Ndërsa kryetari i Grupit Parlamentar të PDK hodhi dyshime  nëse ishte rastësi apo sinkronizim mes Kurtit dhe Vuçiç fakti që në kohën kur në Kuvendin e Serbisë po diskutohet për dialogun, kryeministri kosovar jep lajmin për themelimin e Asociacionit. Marrëveshja për formimin e Asociacionit të komunave me shumicë serbe në Kosovë është arritur në vitin 2013, në kuadër të dialogut për normalizimin e marrëdhënieve Kosovë-Serbi, të ndërmjetësuar nga Bashkimi Evropian, por ajo nuk është zbatuar kurrë.

6 kushtet e Albin Kurtit: 

1. Asociacioni duhet të jetë në përputhje me Kushtetutën dhe ligjet në fuqi të Republikës së Kosovës;
2. Nuk mund te jetë monoetnik, duhet të ndërrojë emri, nuk mund të bartë asnjë pushtet publik;
3. Duhet të ketë reciprocitet të të drejtave çfarëdo të drejta për serbët në Kosovë duhet të ketë edhe për shqiptarët në Serbi;
4. Para vendosjes së Asociacionit, duhet të shuhen strukturat ilegale në veri dhe armët ilegale duhet të dorëzohen;
5. Asociacioni mund të jetë pjesë e marrëveshjes finale vetëm pas njohjes reciproke me ç'rast Serbia t’i ketë pranuar parimet e kartës së OKB-së;
6. Dhe e fundit, Vuçiçi të tërheq letrat mosnjohjes që ka dërguar ndaj pesë shteteve të Bashkimit Evropian." – tha Kurti.

Kujtojmë se kryeministri Albin Kurti ka qenë një ndër zërat më kritik sa i takon marrëveshjes së asociacionit.  Marrëveshja për formimin e Asociacionit të komunave me shumicë serbe në Kosovë është arritur në vitin 2013, në kuadër të dialogut për normalizimin e marrëdhënieve Kosovë-Serbi, të ndërmjetësuar nga Bashkimi Evropian, por ajo nuk është zbatuar kurrë.

Gjykata Kushtetuese e Kosovës ka konstatuar, më 23 dhjetor të vitit 2015, se parimet e përgjithshme të Asociacionit, të dakorduara po atë vit mes Kosovës dhe Serbisë, nuk ishin tërësisht në përputhje me frymën e Kushtetutës së Kosovës. Kushtetuesja ka thënë se ky asociacion mund të formohet, nëse harmonizohen me Kushtetutën ato parime që nuk janë në harmoni me të.

Serbia, në anën tjetër, këmbëngul që Asociacioni të formohet në bazë të marrëveshjeve të arritura. Shtetet e Bashkuara të Amerikës dhe Bashkimi Evropian kanë kërkuar vazhdimisht nga palët që t'i respektojnë të gjitha marrëveshjet e arritura, përfshirë atë për Asociacionin.

TAG:
• kosove
• Albin Kurti
• Asociacioni i komunave serbe
• serbi
• Dialogu Kosovë Serbi

Sondazhi i ditës:

Si ka qenë për ju viti 2024?

• I mirë

  44.2%

• I keq

  22.7%

• As i mirë as i keq

  33.1%

Vota total: 1503

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq