Tirane- Tensione në Kuvend! Partia Demokratike vijoi sot aksionin për të mos lejuar zhvillimin normal të seancës parlamentare sic e kishte paralajmëruar.
Deputetët e Partisë Demokratike shkuan herët sot në kuvend (ora 08:50) për të hyrë në seancë por kanë gjetur përballë gardën që i ka ndaluar hyrjen brenda. Duke mos i lejuar të hyjnë brenda, deputetët demokratë u përpoqën të ndalojnë socialistët të hyjnë brenda.
Por duket se e kanë pasur të pamundur pasi deputetë të PS-së kanë hyrë brenda dhe seanca parlamentare vijoi nën drejtimin e kryetares së Kuvendit, Elisa Spiropali. Seanca e cila zgjati 30 minuta u mbyll me votimin e ligjegve të cilat ishin në rendin e ditës.
Ndërkohë Flamur Noka, që ishte edhe këtë herë protagonist i aksionit të dhunës dhe përplasjeve, kishte marrë sërish benzinë me vete dhe i vuri zjarrin 4 manikëve që i kishin vendosur në oborr. Manekinët janë me fytyrën e Edi Ramës, Fatmir Xhafajt, Agron Xhafajt dhe Osli Ramës. Në seancën e 30 shtatorit Noka dogji me benzinë në oborrin e kuvendit karriget e deputetëve.
I pyetur si do të vijojë aksioni i opozitës Bardhi tha 'se radhën e kishte kryeministria"
Kuvendi mbylli të gjitha dyert për të mos lejuar hyrjen brenda të 24 deputetëve të përjashtuar nga Sekretariati i Etikës si masë ndëshkimore për kaosin dhe djegien e karrigeve në seancën e 30 shtatorit.
Ndërkohë deputetët e PS-së kanë hyrë në Kuvend nga hyrja e sigurisë tek Kalaja.
Ndiqni të gjitha lajmet në zhvillim....
Foto: Elisa Spiropali
Kryetarja e Kuvendit, znj. Elisa Spiropali, shpreh mirënjohjen për punonjësit e Gardës së Republikës të cilët zbatuan urdhrin e sekretariatit të etikës që përjashtoi deputetët e PD-së për shkak të dhunës dhe kaosit të shkaktuar në seancën e 30 shtatorit.
“Padiskutim që deputetët që nuk janë dënuar, duhet të jenë në sallë dhe ata që i pengojnë bëjnë një akt shumë të rëndë, jo vetëm ndaj tyre, por dhe ndaj Gardës së Republikës për të cilën kërkoj të gjithë mirënjohjen tonë dhe të publikut, që bënë një detyrë shumë të vështirë dhe përballet me shumë sulme, me shumë fyerje të pamerituara . Të gjithë ata janë baballarë, të gjithë ata janë vëllezër, janë bij dhe nuk meritojnë të trajtohen në atë formë” tha Spiropali.
Në mbyllje të seancës së sotme, deputeti socialist Erion Braçe u shpreh për gazetarët se PS kur ka qenë në opozitë nuk ka marrë kurrë benzinë me vete në Kuvend.
'Për ata nuk përgjigjem. Kanë tjetër shef ata. S’behëm dot shefi i tyre. E keni fjalën për Metën që hypi. Keni parë ndonjë herë të hymë me benzinë në parlament. Aty shahet nga mëngjesi në darkë. Te klubi jo te klubi jo, puthen të gjithë aty', tha Braçe.
Gazment Bardhi foli për mediat në mbarim të aksionit të sotëm të opozitës jashtë Kuvendit me përplasje me Gardën dhe dpeutetët socialistët. I pyetur si do vijojë aksioni, Bardhi përgjigjet: Si të na teket.
'Si të na teket. Do të veprojmë në raport me këtë godinë me kryeministrinë dhe çdo godinë tjetër ku strehohet krimi dhe qëllohet ndaj atyre që luftojnë krimin. Ska patur asnjëherë marrëveshje me Edi Ramën. Kemi detyruar të na njoh të drejtat që ka opozita në kuadër të aksionit, u detyrua për shkak të aksionit. Dënimet janë shfuqizuar nga Gjykata. Nuk janë vendosur flakë Kuvendit. Karriget janë mjet pune, ka dhe detyrim ta dëmshpërblejë. Nuk është e Edi Ramës dhe as e Elisa Spiropalit.'
Në nisje të seancës së sotme, deputeti socialist Frrok Gjini i kërkoi kryeparlamentares Spiropali që të lejohet futja në sallë e deputetëve që nuk janë përjashtuar nga Sekretariati i Etikës. Deputetët e PD-së të përjashtuar u bënë barrikadë sot sepse tentuan moslejimin e deputetëve të PS-së të futen në sallë.
Gjini: Deputetë jo të dënuar është mirë tu krijohet mundësia të jenë prezentë në sallë. Të marrin pjesë në debat në Kuvend.
Spiropali: Duhet të jenë në Sallë. Ata që i pengojnë po bëjnë një akt të rëndë ndaj tyre dhe Gardës. Ata përballen me fyerje, janë vëllezër prindër bij të dikujt e nuk meritojnë të trajtohen në atë mënyrë.
Deputetët e PD-së i kanë vënë flakën 4 manekinave që i sollën përpara derës kryesore të parlamentit.
Ka qenë deputeti Noka ashtu si herën e shkuar, që i hodhi benzinë manekinave dhe u vuri flakën.
Opozitarët lëvizën nga vendi edhe simbolikën e tetorit rozë, për të vënë flakë manekinave.
Ashtu sikurse të hënën kur u dogjën karriget e deputetëve, tashmë deputetët e PD-së i vënë flakën 4 manekinave që kishin fytyrën e Geron Xhafajt, Fatmir Xhafajt, Olsi Ramës dhe kryeministrit Rama.
Janë disa të rinj të PD që në shenjë demonstrative kanë sjellë disa manekina që kanë si fytyrë imazhet të Geron Xhafajt, Olsi Ramës, kryeministrit Rama dhe Fatmir Xhafajt.
Për të sjellë simbolikën e protestës së tyre për arrestimin e Ervin Salianjit.
Manekinat janë vendosur në përpara derës kryesore të parlamentit.
E ndërsa deputetët e përjashtuar të PD-së vijojnë aksionin opozitar jashtë, brenda maxhoranca hapi seancën plenare dhe tashmë kanë filluar punimet.
Deputetët Enkelejd Alibeaj, Flutura Açka dhe Merita Bakiu kanë mbetur jashtë sot pa u futur në parlament për shkak të aksionit të deputetëve të tjerë opozitarë që po përleshen me gardën dhe deputetët e PS-së për të mos i lejuar të futen në sallë.
Nga pamjet duken Alibeaj, Bakiu dhe Açka që po qëndrojnë poshtë shkallëve të hyrjes së Parlamentit në pamundësi për tu afruar.
Garda rrethon makinën e Elisa Spiropali që sapo erdhi në Kuvend. Noka dhe Bardhi erdhën menjëherë u afruan tek makina duke bërë thirrje të mos hapet makina dhe të mos dali Spiropali.
Noka: Zonja 5 milion euro.
Nuk është në makinë, thotë Noka teksa sheh nga brenda automjetit të kryeparlmentares.
Makina është bosh, ka hyrë nga dera e banjës. Nuk përfaqësojmë popullin.
Bledjon Nallbati ka larguar me forcë një deputet të PS-së i cili po tentonte të futej në sallën e Kuvendin nga pjesa e pasme, ku ndodhet edhe garda e republikës.
Nallbati dëgjohet që i thotë Hajdutë dhe Largohu.
Ndërkohë nga gazetarët që ndodhen aty mësohet se gjatë përplasjes me shefin e gardës Nallbati ka djegur me cigare shefin e gardës.
Deputeti i PD-së Flamur Noka është pëplasur me Paulin Ndreun dhe gardistët që ndodhen në hyrje të kuvendit. Po kështu ka pasur dhe përplasje mes Nokës dhe deputetit të PS-së, Frrok Gjini.
Flamur Noka: "Kam dy orë që pres! Po kërkohet të zhduket opozita. Futën në burg Salianjin!"
Deputeti Frrok Gjini: "Salianjin e morët në qafë ju. Më vjen keq për Salianjin. E bëtë kokë pusi. Ju e keni fut në burg vet!"
Flamur Noka: "Ne jemi në një betejë jetë a vdekje këtu! Tani ju e keni betejën e humbur."
Nga pjesa e pasme e Kuvendit disa deputetë të opozitës nuk kanë lejuar futjen në sallë të ministrit të jashtëm, Igli Hasani. Ndërkohë pati dhe një debat me deputetin Gazment Bardhi.
Bardhi: Largohu të lutem. Ne kemi ardhur me vota. Të ka emëruar krimi.
Hasani: Ul gishtin
Bardhi: Bashkë me ushtarin e Ergys Agasin, që është ministër i brendshëm. Sju vjen zor. Pinjoll i Enver Hoxhës.
Sakaq, u afrua ministri i brendshëm, Ervin Hoxha i cili arriti të futej së bashku me Hasanin, nga një hyrje tjetër.
Debate mes Flamur Nokës, Niko Peleshit dhe Igli Hasani tek shkallët e parlamenti sot.
Noka: Jam unë
Hasani: Ule gishtin
Noka: TI përfaqëson hajdutët
Hasani: Ul gishtin! Ti je narko.
Noka: Jam zgjedhur me votën e popullit. Kur të marrësh votën.
Peleshi: Shiko provat çfarë ke bërë ditën e enjte. O Flamur nuk di çfarë po thua. Po flet përçart. Nuk dogjëm as karrige.
Noka: Kam djegur karrigen time. Ke djegur paratë,. Ku i çuat paratë. Qani me lotin e krokodilit.
Flamur Noka përplaset me Niko Peleshin, kreun e grupit të PS-së.
“Ec! Ec' i tha Noka
"Keni tre kukulla në komisionin e rregullores e përjashtoni opozitën" tha Gazment Bardhi
Disa deputetë të PS-së kanë arritur të futen në sallën e parlamentit megjithë aksionin e deputetëve te opozitës për të mos lejuar futjen e tyre ne sallë.
Por më tej deputetët e PD-së janë acaruar me ardhjen e gardistëve të tjerë nga pjesa prapa.
Ndërkohë ata nuk lejuan futjen në sallë të ministrit të Financave Petrit Malaj.
Deputetët e PD-së janë vendosur në të gjitha hyrjet e parlamentit për të mos lejuar futjen deputetëve të PS-së.
Pas përjashtimit nga seancat plenare, opozitarët kanë shkuar 75 minuta më herët se të filloj seanca sot, teksa u gjendën përpara gardës që nuk lejoi futjen e tyre ne sallë.
Më pas ata janë vendosur në të gjitha pikat e hyrjeve në parlament për të mos lejuar futjen e deputetëve socialistë në sallë për zhvillimin e seancës.
Deputetet e PD-se të përjashtuar jashte kuvendit, Garda i ndalon hyrjen
Deputetët e PD-së të përjashtuar po përpiqen të hyjnë në kuvend përmes hyrjeve të tjera në kuvend por dyert janë të mbyllura.
Në një hyrje dera është e mbyllur me zinxhir e kyç.
Sot hyn në fuqi vendimi i sekretariatit të etikës që përjashton 24 deputetët e PD-së nga aktiviteti parlamanetar si masë ndëshkimore për djegien e karrigeve, kaosin dhe hedhjen e këmbës së karrigeve dhe sende të tjera drejt kryetares së Kuvendit dhe ministrave në seancën parlamentare të 30 shtatorit 2024.
2.Flamur Noka - 60 ditë i përjashtuar
3.Bledion Nallbati - 60 ditë i përjashtuar
4.Edi Paloka - 10 ditë i përjashtuar
5.Saimir Korreshi - 40 ditë i përjashtuar
6.Lefter Gështenja - 40 ditë i përjashtuar
7.Luan Baçi - - 40 ditë i përjashtuar
8.Agron Gjekmarkaj - 40 ditë i përjashtuar
9.Dhurata Çupi - - 40 ditë i përjashtuar
10.Xhelal Mziu - 40 ditë i përjashtuar
11.Ina Zhupa - 40 ditë i përjashtuar
12.Zheni Gjergji - 40 ditë i përjashtuar
13.Helidon Bushati - 40 ditë i përjashtuar
14.Lindita Metaliaj - 40 ditë i përjashtuar
15.Ramadan Lika - 40 ditë i përjashtuar
16.Asllan Dogjani - 40 ditë i përjashtuar
17.Qani Xhafa - 40 ditë i përjashtuar
18.Flamur Hoxha - 40 ditë i përjashtuar
19.Isuf Çela - 40 ditë i përjashtuar
20.Kastriot Piroli - 40 ditë i përjashtuar
21.Lodovik Hasani - 40 ditë i përjashtuar
22.Kasem Mahmutaj- 40 ditë i përjashtuar
23.Edmond Spaho - 40 ditë i përjashtuar
24.Dashnor Sula - 40 ditë i përjashtuar
Forcat e gardës nuk kanë lejuar sot të futen në sallën e parlamentit deputetët e PD-së të cilët u përjashtuan nga Sekretariati i Etikës për sjelljen në seancën e fundit.
Nga pamjet e siguruara nga Report Tv, duket që deputetët Gazment Bardhi, Elda Hoti, Saimir Korreshi, Lindita Metaliaj, Dashnor Sula, Flamur Noka, Dhurata Çupi nuk lejohen të futen në sallë.
Nga pamjet dëgjohet zëri i Gazment Bardhit që i thotë gardistëve: Hape pak rrugën, çfarë ka ndodhur?!
Flamur Noka, Gazment Bardhi dhe Bledjon Nallbati u përjashtuan me 60 ditë për kaosin dhe djegien e karrigeve seancën e fundit. Edi Paloka u përjashtua me 10 ditë, ndërsa 20 deputetë të tjerë të PD-së me 40 ditë përjashtim.
Aman na shpifi deputetja Lindita Metalija duke dale para kamerave me e pa Sali krimineli,qe mos te hupi karriken e deputetes,kur ishte Basha irrinte para mbrapa,sa e peshtire
PërgjigjuKetyre socialistave mir ua bejn Sepse ky noka eshte i mbytur ne zullum dhe keta e lene te bertasi si budall Nxirjani te gjitheve pocaqilleqen qe kan bere Eshte faji jone qe i cuam keta rrugacer ne kuvend
PërgjigjuMe keta horra rrezik per Atdheun PS e fitoi perseri elektoratin gri. Edi Rama ferkon duart ne kete moment. Pervec kesaj skai chat po nxjerr shume. Me keqardhje shpreh se nuk ekziston opozite ne Shqiperi. Nqs PD LR tregon gjuhen e kaosit dhe dhunes duhet te shfaqet force tjeter politike per opozite. Deri atehere PS do fitoje gjithmone e me shume deputet, e vetme. Dhe nqs PS fiton mbi 2/3 e parlamentit sa te kete mundesi te ndryshoje dhe kushtetuten e vendit edhe kjo nuk eshte gje e mire. Gjithsesi PD LSI kane marre fund.
PërgjigjuDhunës me dhun duhet ti përgjigjen gardianët që paguhen për atë pun!
PërgjigjuKeni gjetur ketu ju, se ne vende te evropes as per roje nuk ju linin jo me te beheshit deputet
Përgjigju