Ditën e sotme Komisioni i Ligjeve do të marrë nën shqyrtim buxhetin vjetor për KQZ-në ku parashikohet një shtim fondesh për zgjedhjet vendore 2015. Lidhur me këtë buxhet, Koalicioni i Vëzhguesve Vendor theksoi dje nëpërmjet një komunikate për mediat se fondi për zgjedhjet lokale duhet të jetë më i madh. Sipas KVV-së, një zë të veçantë duhet të ketë për plotësimin e detyrimit ligjor për njoftimin e zgjedhësve për qendrën e tyre të votimit pasi sipas tyre, kjo procedurë ligjore nuk është zbatuar asnjëherë që kur është votuar Kodi i ri Zgjedhor në vitin 2008.