Raportuesja e vizave Fajon me Pacolli ka biseduar për liberalizimin e vizave dhe prioritetet e qeverisë së Kosovës.
Gjatë takimit raportuesja e vizave për Kosovën ka shprehur mbështetjen e Parlamentit Evropian se do të ndihmojë rrugën e Kosovës për anëtarësimin në strukturat e Bashkimit Evropian.
Mediat kosovare raportojnë se vetë ministri i Jashtëm i Kosovës, Behgjet Pacolli është shprehur se brenda një kohe të shkurtër qytetarët e Kosovës do të lëvizin të lirë dhe pa viza në zonën shengen.
Ndër të tjera Pacolli është shprehur se:
“është e padrejtë dhe jo ferr, që Kosova është i vetmi vend nga Ballkani Perëndimor, që nuk e gëzojnë të drejtën e lëvizjes, ndërsa mbahen për një kohë të gjatë të izoluar”, përfundon Ministri i Jashtëm i Kosovës në fjalën e tij në tëkimin me raportuesen e vizave për Kosovën Tanja Fajon.
Redaksia Online
N.M/Shqiptarja.com