Barcelona regjistroi sot një fitore bindëse në shtëpi ndaj Mallorcas, në kuadër të raundit së 23-të në La Liga, duke triumfuar me rezultat të thellë 3-0.

Skuadra katalanase e mori kontrollin e ndeshjes që nga minutat e para dhe e dominoi lojën në të gjitha aspektet. Megjithatë, Mallorca pati rastin e parë serioz, kur Vedat Muriqi u gjend pranë golit, por sulmuesi shqiptar nuk arriti ta konkretizojë mundësinë nga pranë.

Barcelona u zhbllokua në minutën e 29-të, kur Robert Lewandowski realizoi pas një asistimi të saktë nga Dani Olmo. Olmo ishte protagonist edhe në golin e dytë, duke asistuar Lamine Yamal, i cili shënoi një supergol në minutën e 61-të.

Fitorja u ‘vulos’ në minutën e 83-të nga talenti Bernal, pas një bashkëpunimi të bukur me Fermin Lopez.

Me këtë fitore, Barcelona vazhdon të kryesojë kampionatin spanjoll me 58 pikë, ndërsa Mallorca mbetet në pozitën e 15-të me 24 pikë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Prill, 09:22

    A besoni se do të zgjidhen çështjet e mbartura Shqipëri-Greqi?

Lajme të tjera