POP 5

Lajmet më të lexuara të 5 minutave të fundit

Kronikë

Laborator për pasaporta false drejt Anglisë, Apeli lë në fuqi vendimin, 4 nga 6 të ndaluarit në burg

Nga 1 deri në 5 mijë euro për dokumente e pasaporta false në laborator. Enzo Hysko dhe Valbona Badeni do qëndrojnë në masën “detyrim paraqitje në prokurori”.

Laborator për pasaporta false drejt Anglisë, Apeli lë në fuqi vendimin, 4 nga 6 të ndaluarit në burg

Grupi i personave që kryente falsifikimin e pasaportave dhe kartave të identitetit me qëllim largimin, në drejtim të Anglisë dhe vendeve të tjera të Europës,ka dalë sot përballë gjykatës së Apelit Tiranës, ku është njohur me masën e sigurisë.

Trupi gjykues i përbërë nga Gramoz Levanaj, Artur Gaxha dhe Flutura Skënderi, kanë vendosur të lenë të paprekur vendimin e shkallës së parë të gjykatës së Tiranës, e cila 4 nga 6 të arrestuarit i ka mbyllur në qeli. Ndërsa dy personat e tjerë si Enzo Hysko, punonjës në bashkinë e Tiranës dhe Valbona Badeni është caktuar masa e detyrimit për t'u paraqitur në prokurori. Sipas gjykatës së Apelit Tiranë, në burg do të vijojnë të qëndrojnë Lirim Shini dhe bashkëpunëtorët e tij Agron Hoxha, Henri Kurti dhe Myslym Hysko.

Gjashtë personat e proceduar penalisht u arrestuan nga policia e kryeqytetit në 3 mars 2020, me akuzën se kishin ngritur një laborator të mirëfilltë për falsifikimin e dokumenteve, pasaportave dhe kartave të identitetit. Laboratori i falsifikimeve, ishte vendosur në një apartament në pronësi të shtetasit Lirim Shimi, në zonën e ish-restorant Durrësit në Tiranë.

Hetimet për këtë grup kriminal kanë nisur në mars të vitit 2019 dhe gjatë mbledhjes së provave është dokumentuar fakti se ata kryenin falsifikimin  e pasaportave, patentave kartave të identitetit, certifikatave profesionale diplomave shkollore, etj. Disa prej dokumenteve falsifikoheshin me qëllim udhëtimin e parregullt të shtetasve shqiptarë në vendet e Bashkimit Europian, duke paguar nga 1 deri në 5 mijë euro.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce