POP 5

Lajmet më të lexuara të 5 minutave të fundit

Kronikë

Laboratori i kokainës,Gjykata kërkon
 sekuestro për overdaftin e Hoxhës

Ermal Hoxha, i arrestuari si pjesë e grupit të “Kokainës” në Xibrakë të Elbasanit rezulton debitor në një bankë e nivelit të dytë. Pikërisht kjo bankë i është drejtuar gjykatës ku kërkon nxjerjen e urdhërit të ekzekutimit, për një kredi overdarft të marrë nga shtetasi Ermal Hoxha.  Kokaina, ja përgjimet mes Ermal Hoxhës e trafikantëve të dyshuar  Kokaina, Ermal Hoxha vizitë te servisi i makinës së drogës  Nëntë të arrestuarit e laboratorit të kokainës rezultojnë të varfër  "Burg nipit të Enverit", avokati: Thjesht taksisti i kolumbianëve!
Ermal Hoxha, i arrestuari si pjesë e grupit të “Kokainës” në Xibrakë të Elbasanit rezulton debitor në një bankë e nivelit të dytë. Pikërisht kjo bankë i është drejtuar gjykatës ku kërkon nxjerjen e urdhërit të ekzekutimit, për një kredi overdarft të marrë nga shtetasi Ermal Hoxha.

Nuk dihet me saktësi se sa është kjo sasi lekësh, por pak kohë më parë prokuroria e Krimeve të Rënda konfirmoi se Hoxha kishte marrë një kredi për rikonstruksionin e një banese.

Për Ermal Hoxhën, nipi i diktatorit Enver Hoxha, prokuroria kishte dyshime të mëdha se mund të kishte shumë pasuri, duke parë edhe jetën që bënte kohët e fundit, pas martesës me këngëtaren Rezarta Shkurta.

Roli i tij në këtë grup sipas prokurorisë është parësor, pasi ai i shoqëronte kolumbianët nga Elbasani në Tiranë, madje shikohet edhe në brendësi të laboratorit.
 
40-vjeçari kujdesej që kolumbianët të shkonin në destinacion dhe ka mbajtur kontakte të vazhdueshme me kapobandën Ilir Hyseni. Këto janë provat e vetme të prokurorisë, teksa Hoxha dyshohet se mund të ketë krijuar lidhje deri në Kubë, ku qëndron rezident miku i tij, Genci Xhixha, për të cilin flitet se ka pasur kontakte me kartelet e kokainës në Amerikën Latine.



Redaksia Online
(g.f/Shqiptarja.com)
 
 
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Balla kujton masakrën e Reçakut: Akt barbar që ndryshoi përgjithmonë historinë e Kosovës

Balla kujton masakrën e Reçakut: Akt barbar që ndryshoi përgjithmonë historinë e Kosovës

15 Janar, 12:03