Laçi ia doli të fitonte 0-1 kundër Skënderbeut në Korçë në 'finalen' e Kategorisë së Parë duke merituar trofeun e kampionit. Suksesi u festua të martën në sheshin e qytetit, teksa tifozët e kurbinasve ishin të shumtë në numër për të parë nga pranë futbollistët.

I gjithë ekipi i Laçit, u ngjit në podium së bashku me kryebashkiaken Majlinda Cara, e cila ngriti Kupën bashkë me kapitenin Arlind Kurti, mes një atmosfere të zjarrtë dhe tingujve të muzikës.

“Moment krenarie. Në Laç nuk u festua thjesht marrja e një trofeu. Festuam për shpirtin e garës dhe për karakterin e një ekipi që nuk dorëzohet kurrë, që mund të ‘rrëzohet’, por di të ringrihet më i fortë. Festuam për tifozërinë. Festuam për qytetin. Drejt sukseseve të reja në Superligë”, shkruan kryebashkiakja Majlinda Cara në kanalet e komunikimit.

Laçi arriti një fitore emocionuese në Korçë, duke mundur 0-1 Skënderbeun me golin e kapitenit Arlind Kurti të hënën dhe u shpall kampion i Kategorisë së Parë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Maj, 08:35

    Gjykata e Lartë frenon Prokuroritë dhe Gjykatat për arrestin me burg, si e vlerësoni?

Lajme të tjera