'Të hetohet plotësisht sulmi në Banjskë', Lajçak reagon pas takimeve me Kurtin dhe Vuçiçin: Presim të përmbushin detyrimet e dialogut

Pas takimeve me kryeministrin e Kosovës Albin Kurti në Prishtinë dhe me presidentin serb Aleksander Vuçiç në Beograd i dërguari i BE-së për dialogun Miroslav Lajcak, shkruan se së bashku me diplomatët e tjerë perëndimorë kanë bërë diskutime të rëndësishme, duke kërkuar nga Kosova dhe Serbia që të përmbushin plotësisht detyrimet e dialogut. Lajçak shkruan se në këto takime kanë theksuar sulmi i 24 shtatorit në Banjskë duhet të hetohet plotësisht dhe që de-eskalimi dhe normalizimi janë urgjente.

“Udhëtuam me Plotner, Escobar, Bone dhe Cattaneo për diskutime të rëndësishme dhe thelbësore me kryeministrin Albin Kurti dhe presidentin e Serbise. Ne theksuam se [sulmi i Banjskës i ndodhur në 24 shtator] duhet të hetohet plotësisht dhe se de-përshkallëzimi dhe normalizimi janë urgjentisht të nevojshëm. Ne presim që të dy të përmbushin plotësisht detyrimet e tyre të Dialogut”, ka shkruar Lajçak.

Lajmi kryesor:

Pesë ndërmjetësit e dialogut në Kosovë e Serbi me një plan! Dy kushtet e prera: Kurti e Vuçiç t'i përmbahen detyrimeve! E papranueshme çdo vonesë

B.K/S.G/Shqiptarja.com

TAG:
• BE
• serbi
• Dialogu Kosovë Serbi
• Miroslav Lajcak
• Albin Kurti
• vritet polici ne kosove
• kosove