LAJM I MIRË/ Të hënën nisin fluturimet për riatdhesimin e shqiptarëve të mbetur jashtë atdheut, si do të funksionojë (VIDEO)

Kryeministri Edi Rama dha lajmin e mirë se nga dita e hënë do të nisin fluturimet për riatdhesimin e shqiptarëve të mbetur jashtë atdheut, dhe se nuk do të paguhet asnjë lekë nga xhepi i tyre për udhëtimet. Kreu i qeverisë në një komunikim në Facebook, LIVE nga zyra e tij në kryeministri, tha se fluturimet do të bëhen me avionin "Lasgushi" të kompanisë "Air Albania", dhe se aktualisht ministrja Belinda Balluku është duke punuar për marrjen e lejeve të posaçme.

"Unë po bëhem e të gjithë ne po bëhemi katërmbëdhjetë copash përditë e përnatë, që të mos lëmë asnjë prej jush vetëm. As edhe një! Që nga familjet e individët që kanë nevojë për ndihmë imediate ushqimore, shëndetësore, lëvizjeje e me radhë, deri tek ata që nuk kthehen dot në shtëpi se kanë ngecur në vende të ndryshme të kontinentit. Për hir të së vërtetës shumë prej tyre kërkojnë vetëm të vijnë një orë e më parë në shtëpi dhe kanë shprehur gatishmërinë të paguajnë udhëtimin. Unë i falenderoj për këtë, sepse shoh ndërkohë plot të tjerë që rrinë mbyllur por e vrasin kohën brenda mureve, dukë bërë lloj - lloj komentesh të pa lëvdueshme nëpër rrjetet sociale, me qarje për popullin me demek, që po vdes për bukë, me ndihma që po vidhen, me kërkesa absurdë deri edhe për të mos paguar drita apo më tallje e fyerje për njerëzit në uniformë apo punonjësit social që po sakrifikojnë duke shkuar derë më derë për të shpërndarë ndihma.

Ne do të nisim dhe ky është një lajm i mirë për ta besoj, ditën e hënë fluturimet për t'i sjellë në atdhe. Nesër do të publikojmë besoj kalendarin e misioneve të riatdhesimit dhe pikat përkatëse ku do të bëjmë imbarkimin e personave të listuar tanimë. Këto misione do t'i kryejmë pa pagese nga ana e individëve dhe unë besoj se i takon Lasgushit t'i sjellë njerëzit tanë në shtëpi. Air Albania është kompania e flamurit kuqezi dhe në këtë hall të madh kombëtar, unë i kam kërkuar kompanisë të marrë përsipër barrën e të qenit shtëpia e shqiptarëve në qiejt e Europës, e të mos kërkojë lekë për të kryer këto misione humanitare. Jam i lumtur që gatishmëria e kompanisë ka qenë e menjëhershme dhe ndërkohë ministrja e Infrastrukturës dhe Energjisë, ka punuar gjatë gjithë kësaj kohe e po punon për lejet speciale të këtyre fluturimeve charter.

Shpresoj miq, që ky mesazh të përcjellë tek ju edhe një të vërtetë të thjeshtë tek ju të gjithë. Unë nuk jap premtime pa u siguruar mirë që do të realizohen dhe ndërkohë që ju ankoheni e ankoheni, ne punojmë e punojmë për ta adresuar gjithë tërësinë e ankesave. Siç bëjmë më çdo ankesë legjitime. Ne nuk jemi një shtet i madh, ne nuk jemi as një shtet më fuqi të pakufishme, por ju siguroj se përkushtimin e kemi të madh dhe fuqinë për të luftuar për Shqipërinë e për shqiptarët e kemi të pakufishme. Do të luftojmë kështu, përditë, përnatë, deri në fund, duke besuar së ju do të bëni të gjithë luftën tuaj dhe duke shpresuar se do të na i bëni hallall vuajtjet e kësaj luftë, që nuk e sollëm në, po na gjeti të gjithëve bashkë dhe të gjithë bashkë duhet ta bëjmë e duhet ta fitojmë në fund fare. Nuk kemi rrugë tjetër!​", theksoi shefi i mazhorancës.

Rama tha se ka marrë jo pak mesazhe nga studentë, familjarë të ndarë nga kufiri i mbyllur, dhe tha se shumica e rasteve janë zgjidhur. "Por jemi plotësisht të vetëdijshëm për stresin që rritet përditë për njerëzit që kanë mbetur rrugëve Evropës", tha Rama.

Më herët Ministria e Jashtme ka deklaruar se sa i përket shqiptarëve të mbetur jashtë atdheut, dhe që nuk mund të kthehen dot për shkak të bllokimit të kufijve nisur nga situata me koronavirusin, është arritur dakordësia me një numër të madh shtetesh për të toleruar afatet e qëndrimit 90 ditor, ndërsa po negociohet edhe me disa vende të tjera.

Grupi më i madh është në Itali, 650 persona, në Britaninë e Madhe 114 persona, në Kroaci 341 persona, në Zvicër 77, në Greqi 45, Gjermani 35, Francë 37, Austri 19, Suedi 21 dhe pastaj në një sërë vendesh të tjera ka nga një, dy deri në 10 a 12 persona.


Lajmi kryesor:

'Po bëhem copash përditë që mos të lë asnjë vetëm'! Rama: Të hënën nisin fluturimet për kthimin në atdhe të shqiptarëve (VIDEO)


G.M./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet