POP 5

Lajmet më të lexuara të 5 minutave të fundit

Politikë

3.4 mln € në Toyota Yaris/ Gjykata e Tiranës regjistron padinë e Ballës për Bashën

Gjykata Penale e Tiranës ka regjistuar padinë e kryetarit të grupit parlamentar të PS, Taulant Balla ndaj kryetarit të PD-së, Lulzim Basha. Seanca e parë pritet të zhvillohet në muajin tetor, ndërkohë që me dosjen është ngarkuar gjyqtari Gerd Hoxha.
3.4 mln € në Toyota Yaris/ Gjykata e Tiranës regjistron padinë e Ballës për Bashën

Balla Basha gjatë debateve për Toyota Yaris-it në parlament

TIRANË- Gjykata Penale e Tiranës ka regjistuar padinë e kryetarit të grupit parlamentar të PS-së, Taulant Balla ndaj kryetarit të PD-së, Lulzim Basha. Padia përfundoi në Gjykatën e Tiranës pas shpalljes së moskompetencës nga Gjykata e Krimeve të Rënda. Seanca e parë për këtë padi do të zhvillohet në mes të tetorit, bëjnë me dije burime për Report Tv. Padia e Ballës do të shqyrtohet nga gjyqtari Gerd Hoxha. Hoxha është njëherazi kryetari i Unionit të gjyqtarëve të Shqipërisë. Shkak për një afat kaq të gjatë kohor është bërë ngarkesa e krijuar për gjyqtarët pas pushimeve dhe dosjeve të prapambetura. 

Kryetari i grupit parlamentar të Partisë Socialiste, Taulant Balla kallëzoi penalisht kreun e PD-së, Lulzim Basha, pas akuzave që ky i fundit i bëri për një sasi prej 3.4 milionë eurosh, e kapur në portin e Durrësit në muajin qershor. 

Balla e kallëzoi penalisht Bashën dhe dosja i kaloi Gjykatës për Krimet e Rënda. Më pas, Krimet e Rënda shpallën moskompetencë për këtë dosje, duke ia kaluar kështu Gjykatës Penale të Tiranës. Dy akuzat e Ballës për kryedemokratin janë “nxjerrje e sekretit hetimor”  dhe shpifje.

Kryetari i PD-së, Lulzim Basha nga foltorja e Kuvendit më 21 qershor 2018, tha se shumë shpejt një sasi parash e lidhur me Taulant Ballën do të kapej. Dhe më datë 24 qershor 2018, u sekuestruan 3.4 milionë euro në portin e Durrësit gjatë një superoperacioni të policisë. Pas kapjes së parave, Basha akuzoi Ballën se ishte ai garant i dërgesës së parave të sekuestruara nga veprimtari të paligjshme në Evropë, që tentuan të hynin në vendin tonë, në dy makinat Toyota Yaris. Për dosjen e 3.4 mln eurove deri tani të arrestuar janë; Edi Lika, Klevi Lika, Agim Ceka dhe Alban Mollaymeri, ndërsa në kërkim janë dy porositësit, kushërinjtë Vladi. Kreu i PD, Lulzim Basha, nga akuzues i Taulant Ballës për ngarkesën e 3.4 milionë eurove, është akuzuar nga kreu grupit parlamentar socialit se ka njohje me vëllanë e Alfred Vladit, njërin prej dy personave të shpallur në kërkim.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06