GREQI - Porositi vrasjen e kryepolicit të Vlorës Artan Cuku, arrestohet në Athinë të Greqisë Bledar Jambelli personi më i kërkuar nga policia e shtetit. Arrestimin e Jambellit e bënë me dije policia e cila deklaron se falë një bashkëpunimi me Interpol Tiranën dhe Interpol Athinën është arritur të prangoset Jambelli. 38-vjeçari me origjinë nga Fieri për Policinë e Shtetit njihej me emrat Bledar Jambelli dhe Rikardo Muho.
Nga hetimet e kryera nga Policia e Tiranës në bashkëpunim të ngushtë me Prokurorinë e krimeve të rënda dyshohet se ky shtetas ka porositur vrasjen e Artan Cukut për hakmarrje për arrestimin në vitin 2012 kur Cuku mbante detyrën e ish-drejtorit të Policisë së Vlorës. Arrestimi i autorit të krimit, Mikel Shallari në 2 maj 2017, çoi në zbulimimin e dinamikës së vrasjes. Duke marrë statusin e të penduarit të drejtësisë dhe i dënuar me 10 vite burg (Lexo këtu) Shallari rrëfeu se ishte paguar 3 mijë euro nga Bledar Jambelli për vrasjen e Cukut, ndërsa i ishin premtuar 20 mijë euro në total të cilat ai nuk i kishte marrë.
Sipas Shallarit, nëpërmjet kushëririt të tij Kristaq Leci, ai u kontaktua nga Jambelli duke i porositur vrasjen. Për këtë krim Shalalri u tha hetuesve se do të merrte 20 mijë euro por pasi kishte kryer vrasjen mori vetëm 3 mijë euro ndërsa nga ai moment as Leci dhe as Jambelli nuk i përgjigjeshin në telefon.
Identifikimi i Shallarit u bë nga gjurmët e ADN-s në rrobat që ai hodhi në një kosh mbeturinash pas postës numër 8-të në kryeqytet. Kjo ADN u identifikua nga autoritetet zviceriane të cilat kishin në arkivin e tyre profilin e Shallarit si një shtetas që disa vite më parë kishte qenë i arrestuar dhe dënuar atje. Për Jambellin rëndon masa e sigurisë arrest me burg në mungesë ndërsa ekstradimi i tij pritet të vendoset nga drejtësia Greke përgjatë muajit Janar 2019.
Motivet e vrasjes
Jambelli ka porositur vrasjen e Artan Cukut për rihapjen e një dosje në vitin 2012, kohë kur kryekomisari ishte Drejtor i Policisë Vlorë. Kjo dosje solli edhe arrestimin e Bledar Jambellit, të akuzuar për vrasjen e Shpëtim Mukës dhe Ervis Shehut në vitin 1997, e njohur si masakra e “Pusit të Mezinit”.
Kjo dosje ishte e mbyllur nga prokuroria, por Artan Cuku gjeti prova dhe vuri në pranga Bledar Jambellin. Çuditërisht 38-vjeçari u la i lirë nga gjykatat shqiptare për mungesë provash në vitin 2013. 4 vite më pas Jambelli vendosi të hakmerret duke paguar Mikel Shallarin për të vrarë Artan Cukun. Mikel Shallari ka bashkëpunuar me drejtësinë dhe ka konfirmuar që ka qënë Bledar Jambelli, i cili e pagoi për të vrarë Artan Cukun.
Njoftimi i Policisë
Falë bashkëpunimit ndërkombëtar, bie në praga i dyshuari kryesor për porositjen e vrasjes së ish oficerit të lartë të Policisë A.C.
Në kuadër të shkëmbimit të informacioneve me zyrat homologe dhe bashkëpunimit të Interpol Tirana me Interpol Athinën është finalizuar me sukses arrestimi në Athinë / Greqi, i personit në kërkim ndërkombëtar, Bledar Jambelli, alias Rikardo Muho, 38 vjeç, lindur në Fier.
Nga hetimet e kryera nga Policia e Tiranës në bashkëpunim të ngushtë me Prokurorinë dyshohet se ky shtetas ka porositur vrasjen e A.C.
Po nga hetimi rezulton se motivi i krimit lidhet me arrestimin e tij në kohën kur viktima kryente detyrën e Drejtorit të Policisë Vlorë.
Ky person është shpallur në kërkim ndërkombëtar nga ana jonë më datë 13.06.2017, pasi Gjykata e Shkallës së Parë për Krimet e Rënda, me vendimin nr. 292, datë 12.06.2017, ka vendosur masën e sigurisë Arrest me burg, për veprën penale “Vrasja e Punonjësit të Policisë së Shtetit” e kryer në bashkëpunim, parashikuar nga nenet 79/b dhe 25 të Kodit Penal.
Arrestimi i tij në Greqi me qëllim ekstradimi drejt vendit tonë.
Lajme të tjera
-
Përplasja masive me armë, prangosen 2 shqiptarë në Athinë! Dyshohet se mund të jenë porositësit e vrasjes së Komisarit Artan Cuku
14 Korrik 2022, 10:37 -
3 policë të rënë në krye të detyrës do prehen në ‘Varrezat e Dëshmorëve’! Vëllai i Artan Cukut: Fitoi shumë beteja me krimin por shteti nuk ka bërë ende drejtësi
5 Maj 2022, 13:17 -
3 policë të rënë në krye të detyrës do prehen në ‘Varrezat e Dëshmorëve’ nga 5 maji! Si dhanë jetën për vendin Elham Elezaj, Artan Cuku dhe Rufan Hakrama
3 Maj 2022, 12:33 -
U vra 5 vite më parë, shpallet qytetar nderi në Kamzë ish-komisari Artan Cuku
10 Prill 2022, 12:40 -
Përfitues edhe porositësi i vrasjes së komisarit Cuku! Hetimi në Greqi zbulon skandalin, si pajiseshin me pasaportë greke krerët e organizatave mafioze, shumë prej tyre shqiptarë
6 Dhjetor 2021, 12:32 -
Porositësi i vrasësit të komisarit Artan Cuku jetonte si grek, si u pajis me pasaportë false nga grupi kriminal duke paguar 35 mijë euro
5 Dhjetor 2021, 15:15 -
Kërkuan 1 mln € dëmshpërblim për vrasjen e ish-komisarit Artan Cuku, gjykata rrëzon kërkesën e familjarëve
16 Qershor 2021, 15:41
-
U ekzekutua në hyrje të pallatit, familjarët e Artan Cukut i kërkojnë shtetit dëmshpërblim 1 milion euro
5 Shkurt 2021, 11:51 -
U vra për shkak të detyrës! Familja e ish-kryekomisarit Artan Cuku kërkon dëmshpërblim, padit në gjykatë Policinë e Shtetit
28 Shtator 2020, 17:21 -
Vrasja e ish kryekomisar Cukut, Drejtësia kërkon ekstradimin e Jambellit, ideatori dhe porositësi i eksekutimit
2 Shtator 2020, 16:34
-
OLF i dërgon formularin porositësit të vrasjes së kryekomisarit Artan Cuku dhe 4 'të fortëve' të Gjirokastrës dhe Tepelenës
7 Gusht 2020, 15:20 -
Ish-policët me armë në brez! Zbardhet drafti i Ministrisë së Brendshme: Do të blihet me kontratë para noterit
19 Qershor 2020, 17:35
