POP 5

Lajmet më të lexuara të 5 minutave të fundit

Kronikë

RENEA dhe FNSH tjetër aksion në Shijak, kontrolle në banesa dhe biznese për persona në kërkim (VIDEO)

Forcat RENEA dhe FNSH janë rikthyer sërish mbrëmjen e sotme në Shijak, në vijim të operacionit masiv në të gjithë vendin, të nisur pasditen e të dielës.

SHIJAK - RENEA dhe FNSH zbresin sërish në Shijak. Të mbështetur nga Grupi i Posaçëm Operacional dhe policia e Durrësit, Forcat Speciale kanë kryer mbrëmjen e kësaj të hëne një tjetër kontroll në banesa dhe lokale për ekzekutimin e urdhër-arresteve të Gjykatës së Durrësit, për persona të skeduar në narko-trafik me Avdulajt. Më herët ishte kryeministri Edi Rama i cili paralajmëroi të tjera aksione nga policia për të vënë në rresht, sipas tij, të ashtuquajturit "të fortë".

Por edhe pse rikthimi i RENEA-s dhe FNSH ka qenë i papritur, Report Tv mëson se policia është larguar pa arrestuar asnjë prej personave të shpallur në kërkim, duke lënë të kuptohet se gjendja e gatishmërisë dhe aksionet e tjera do vijojnë ditët në vijim.

Mbrëmjen e kaluar RENEA goditi një prej familjeve të përfshira në trafikun e drogës, atë të Astrit Avdylit, i cili ra në pranga bashkë me dy vëllezërit dhe një të afërm të tij, ndërsa në të gjithë vendin u arrestuan 27 persona. Grupi i Shijakut ishte i përfshirë edhe në laboratorin e heroinës në fshatin Bërnog të Hasit. Astrit Avdyli u la në burg si truri i trafikut të drogës nga Shqipëria drejt BE, ndërsa u lirua një prej vëllezërve, Flamur Avdyli. 

Ndërsa nga përgjimet e Prokurorisë të siguruara ekskluzivisht nga Report Tv del se grupi i Shijakut ka qenë i lidhur me atë të Bajrave në Shkodër, si bashkëpunëtorë në trafikun e lëndëve narkotike drejt Italisë. 

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu