Pas sulmit ndaj gazetares së kronikës, Klodiana Lala ka ardhur reagimi kryeprokurores së Përgjithshme të Përkohshme, Arta Marku dhe Gjykatës së Lartë. Marku ka thënë se është e shqetësuar pas këtij sulmi, por kanë nisur hetimet për zbardhjen e plotë të kësaj ngjarjeje. Në një njoftim për mediat, Prokurorja e Përgjithshme, shpreh shqetësimin e thellë për këtë sulm ndaj familjes së gazetares Klodiana Lala.

Në reagim theksohet se prokuroria e Përgjithshme, ka angazhuar të gjitha strukturat për të vendosur në dispozicion të gjitha burimet njerëzore për të hetuar dhe vënë para drejtësisë, autorët e sulmit. Ndërsa, Gjykata e Lartë e quan sulmin "një veprim të ulët dhe kriminal". 

Prokurorja e Përgjithshme Arta Marku shpreh shqetësimin e thellë për sulmin ndaj familjarëve të gazetares Klodiana Lala mëngjesin e datës 30 gusht. Kryeprokurorja nxit dhe mbështet plotësisht hetimin transparent për të venë përpara drejtësisë autorët e sulmit.

Prokuroria e Përgjithshme rithekson angazhimin për të venë në dispozicion burime njerëzore dhe infrastrukturore për të garantuar punën e Prokurorisë së Tiranës. Marku çmon punën e gazetares Lala dhe trupës së gazetarëve që përballen me vështirësi dhe rreziqe në kërkim, zbardhje dhe raportim të së vërtetës.

Arta Marku, kryeprokurore

Reagimi i prokurores Arta Marku vjen pas sulmit me armë që ndodhi mëngjesin e sotëm në banesën e prindërve të gazetares, Klodiana Lala në Tiranë. Fatmirësisht, nga ngjarja nuk ka patur të lënduar, ndërkohë që policia gjeti 10 gëzhoja kallashnikovi, si edhe plumba të cilët kishin prekur derën e brendshme të banesës së prindërve të Lalës.

Rendit zhvillimet sipas orarit:
Ora 20:51
Sulmi tek banesa e gazetares Lala, reagon Gjykata e Lartë: Shqetësim serioz për qytetarët dhe shoqërinë shqiptare

Gjykata e Lartë ka reaguar pas sulmit në banesën e gazetares Klodiana Lala. Në një njoftim për mediat, Gjykata dënon aktin dhe thekson se ngjarja është një shqetësim serioz për qytetarët dhe shoqërinë shqiptare.

Njoftimi i plotë:

Gjykata e Lartë dënon me forcë aktin e kryer në banesën e gazetares Klodiana Lala, mëngjesin e sotëm, duke e cilësuar atë si një veprim të ulët dhe kriminal ndaj kujdo që ushtron një profesion që lidhet me lirinë e fjalës.
Ngjarja e rëndë ndaj Znj. Lala, dhe rreziku që iu kanos sot pjesëtarëve të familjes së saj, përbën një shqetësim serioz për të gjithë qytetarët dhe shoqërinë shqiptare, e cila është e interesuar për sigurinë dhe mirëqënien e kujdo invididi, në ushtrimin e çfarëdo funksioni në shërbim të së vërtetës.

Gjykata e Lartë, duke vlerësuar raportin korrekt me gazetaren Lala dhe profesionalizmin e saj, i drejtohet organeve kompetente për zbardhjen sa më të shpejtë të kësaj ngjarje dhe vëniën përpara drejtësisë së autorëve të këtij akti të shëmtuar.