Receta

Lakër e furrës me oriz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 22 Tetor, 11:23 | Përditesimi: 22 Tetor, 11:28

Lakër e furrës me oriz

Përbërësit:

1 lakër mesatare
2 qepë
2 thelpinj hudhër
2 lugë vaj ulliri
250 gr oriz
500 gr domate të pjekura të grira
250 gr djathë i grirë kaçkavall
20 gr gjalpë
Beshamel
Kripë, piper

Përgatitja:

LEXO EDHE:
Pulë e mbushur nga zonja Albana

Pastrojmë lakrën, heqim gjethet e jashtme dhe koçanin, e ndajmë përgjysmë dhe e presim në shirita. Më pas e përvëlojmë në ujë të vluar me kripë, e kullojmë mirë dhe e thajmë me një pecetë. Në një tenxhere të gjerë kaurdisim në vaj përzierjen hudhër e qepë. Shtojmë orizin e parazier, hedhim kripë, piper dhe e përziejmë për 2 minuta. Shtojmë më pas domatet dhe e lëmë të ziejë për 15 minuta. Ndërkohë përgatisim beshamelin duke kaurdisur pak miell me gjalpë dhe më pas e shuajmë me qumësht. Shtojmë tek beshameli gjysmën e sasisë së djathit të grirë dhe e përziejmë. Vendosim në tavë duke alternuar shtresa lakre me shtresa orizi me domate, derisa të mbarojnë. E mbulojmë me beshamel, spërkatim sipërfaqen me djathin e mbetur dhe e vendosim të piqet në furrë të nxehtë në 180°C.