Receta

Lakër e stufuar nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 9 Tetor, 11:40 | Përditesimi: 9 Tetor, 11:50

Lakër e stufuar

Përbërësit:

1 lakër e bardhë
2-3 filxhanë kafeje vaj
1 qepë mesatare
1 fletë dafine
2 lgj uthull
½ lgj salcë soje
Pak spec i kuq
Kripë, piper i zi

Përgatitja:

LEXO EDHE:
Pulë me oriz në furrë nga zonja Albana

Fillimisht pastrojmë lakrën nga fletët e dëmtuara, i presim koçanin, e ndajmë përgjysmë dhe e presim në rripa, më pas e lajmë dhe e kullojmë. Kaurdisim qepën e grirë hollë sa të zverdhet dhe shtojmë pjesë-pjesë lakrën sa të ulet paksa volumi. Hedhim kripë, piper të zi, spec të kuq, sipas dëshirës, dhe djegës, fletë dafine. Hapim një vend në fund të tenxheres dhe hedhim salcë dhe pak uthull. I përziejmë të gjitha së bashku, i mbulojmë me kapak dhe i vendosim në zjarr të ulur derisa të zbuten. Në qoftë se lakrat janë të forta, që të ndihmohet zierja, i hedhim nga pak lëng mishi ose ujë. Gjella duhet të dalë pa lëng (e stufuar). Sipas dëshirës mund ta gatuajmë dhe me pak mish, suxhuk apo kremviçe.

MC/Shqiptarja.com

TAG: