Receta

Laknor me kungull dhe miell misri nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 12 Nëntor, 11:05 | Përditesimi: 12 Nëntor, 11:09

Laknor me kungull dhe miell misri

Përbërësit:

1 kungull të verdhë
2 kokrra vezë
250 gr miell misri
1 gotë qumësht
1 gotë ajkë kosi
1 gotë vaj
Kripë sipas dëshirës
Fara kungulli

Përgatitja:

LEXO EDHE:
Pulë e mbushur nga zonja Albana

Pastrojmë kungullin nga farat pasi e kemi ndarë përgjysëm. Farat i pjekim mirë me kripë dhe erëza. Tulin e kungullit e grijmë mirë dhe i shtojmë vezët, miellin e misrit të bardhë dhe të verdhë. Shtojmë një gotë qumësht, një gotë ajkë kosi dhe pak arra të grira nëse dëshirojmë. Rregullojmë shijen me kripë. Kujdesemi që masa të jetë pak e ujshme, shtojmë pak vaj në tepsi dhe hedhim masën e përgatitur. E vendosim të piqet në furrë të parangrohur në temperaturën 180 gradë Celsius derisa të marrë një ngjyrë të bukur në sipërfaqe.