Receta

Lakror i Matit me miell misri, lakra dhe presh nga Admirina Peçi

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. Herë pas here rubrikës së gatimit i bashkohen amvisa dhe shefa të ndryshëm kuzhine.

Redaksia 31 Tetor, 12:12 | Përditesimi: 31 Tetor, 12:14

Lakror i Matit me miell misri, lakra dhe presh

Përbërësit:

4 presh mesatar
1/2 lakër e bardhë
200 gr djathë dele/ dhie
250 gr mish qengji
1 gotë lëng mishi
1 gotë kos
50 gr gjalpë
Majdanoz
Kripë, piper
Miell misri

Përgatitja:

LEXO EDHE:
Pulë e mbushur nga zonja Albana

Fillimisht vendosim mishin e qengjit të ziejë. Presim lakrën, preshin dhe jeshillëqe të tjera nëse duam, dhe i vendosim në zjarr me pak vaj ulliri të zbuten me lëngjet e tyre. Ndërkohë përgatisim brumin për shtresën e poshtme të lakrorit ku miksojmë miell misri, pak djathë të thërrmuar, kos dhe pak lëng nga mishi i zier. Shtrojmë petën e misrit në tavë duke e niveluar mirë, sipër vendosim mishin e zier të copëtuar dhe më pas lakrat dhe preshin e zbutur. E spërkatim me pjesën e mbetur të djathit dhe hedhim me duar miell misri për të krijuar shtresën e sipërme të lakrorit. Shtojmë në fund pak lëng mishi mbi lakror dhe e vendosim të piqet në furrë të parangrohur në temperaturën 250 gradë Celsius. Ndërkohë tresim pak gjalpë, hedhim pak kripë dhe gjysmë gote ujë, dhe pasi lakrori të jetë pjekur e hedhim në sipërfaqe për t'a zbutur dhe aromatizuar.