Receta

Lakror me miell misri, qepë, mish dhe erëza nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 1 Nëntor 2023, 11:36 | Përditesimi: 1 Nëntor 2023, 11:37

Lakror me miell misri me mish derri

Përbërësit:

3 fç miell misri
2 fç mish i grirë derri
2 qepë mesatare
2-3 fk vaj
2 vezë
2 gota qumēsht
1 lgj miell gruri
1 lgj gjalpë
1 gjethe dafine
Koper ose majdanoz
Kripë, piper

Përgatitja:

LEXO EDHE:
Melomakarona, biskota me arra dhe mjaltë të sherbetosura nga zonja Albana

Mishin e derrit tul e presim në kubikë mesatarë dhe e kaurdisim së bashku me qepët e grira hollë, mbuluar me kapak në zjarr të ngadaltë. Gjatë kaurdisjes i hedhim kripë, piper, dafinë dhe ujë sa të mbulohet mishi dhe të dalë me pak lëng.

Miellin e misrit e përziejmë me ujë të ngrohtë, kripë dhe vaj dhe realizojmë një brumë të derdhur të cilin e sheshojmë në një tavë të lyer me gjalpë. Vendosim sipër mishin e kaurdisur me qepë dhe erëza. Rrahim vezët me qumështin dhe miellin e grurit, e hedhim në tavë, e spërkatim me gjalpë dhe e vendosim të piqet në furrë.

MC/Shqiptarja.com

TAG: