Lamtumira e fundit për Bujar Nishanin, Osmani: U kujdes gjithnjë që Kosova të mbahet lart në agjendën e tij shtetërore! Shtetar i paepur

Presidentja e Kosovës, Vjosa Osmani ishte e pranishme në ceremoninë e lamtumirës së fundit të ish-presidentit shqiptar, Bujar Nishani.

Me një postim në rrjetet sociale, ajo shkruan se në emër të qytetarëve të Kosovës nderoi veprën e tij, derisa përmendi se Nishani është kujdesur gjithmonë që Kosova të jetë lart në agjendën shtetërore të Shqipërisë.

“Sot ia dhamë lamtumirën e fundit ish-Presidentit të Shqipërisë, Bujar Nishanit, i cili u nda nga jeta ditë më parë.  Në emër të qytetarëve të Kosovës u përkulëm para arkëmortit të Presidentit, shtetarit të paepur, njeriut të urtë e dinjitar, qytetarit të ndershëm e atdhetarit të përkushtuar. Ai u angazhua tërë jetën për shtetin e kombin shqiptar. Si President i Shqipërisë, ai u kujdes gjithnjë që Kosova të mbahet lart në agjendën e tij shtetërore”, ka shkruar Osmani.

Lajmi kryesor:

I jepet lamtumira Bujar Nishanit, nderimi i fundit në Presidencë, prehet në Sharrë! Djali: Humbëm busullën e familjes

B.K./Shqiptarja.com

TAG:
• ndahet nga jeta bujar nishani
• Bujar Nishani