Këtu buzë Lanës në kryeqytet është luajtur drama e vërtetë e Partisë Demokratike; këtu lindi e këtu i dha fund. Atë ditë kur po lindte, duket si biblike, por kështu ndodhi: Studentët firmëtarë, që nga qyteti i Studentëve rrodhën përposhtë kodrës, drejt Lanës ku edhe u përleshën me policinë. Pastaj, me Lanën u shënjua fati total i PD. U ndërtuan dhe u shemben dy kulla mesjetare buzë Lanës, të dyja mbanin shpirtin e PD-së.
Kulla e parë ishte ajo që u ndërtua gjatë ‘republikës së parë’ të PD, dhe kulla e dytë, kur PD e kishte varrosur republikën. Nuk e mbani mend të parën? Me siguri që po. Ishte një kullë e paligjshme, ngritur aq afër sa lagej nga uji i Lanës, aty ku sot ndodhet selia e OSHEE, diku në periferi të Pallatit me Shigjeta. Gjithë ndërtimet e paligjshme alias Kandahar të PD buzë Lanës dhe në Parkun Rinia, u shembën; veç ajo kullë e vetme mbeti për vite. U quajt ‘Kulla e gjakut’. Një malësor, militant i PD, ishte ngujuar në atë kullë bash për hir të gjakmarrjes që kishte shtënë me fqinjin e vet atje në Tropojë. Kjo ishte kulla e parë…
Kulla e dytë është kjo që Saliu e mori me dhunë e me zjarr, në 8 janar 2022, ish SHQUP-i. ‘Bash buzë Lanës u ba nami/ Po liftojnë Seferi e Dani’. Folklori i vjetër i vrasjes mes vëllezërve, vinte e përshtatej si një mallkim. Mallkimi i Lanës për PD vjen me ngjashmërinë e lumit Jordan për Palestinën. Edhe lumi Jordan e përshkon mes përmes Lindjen e Mesme dhe fatin e Palestinës. Atu ndodhet Lartësia Golan ku në dekada është bërë luftë e përgjakshme mes Izrael e Palestinë. Aty është Bregu Perëndimor, aty dhe Rripi i Gazës që po luftë përjetojnë. Dhe vetë lumi Jordan, përmes pisllëkut të luftërave nxiton drejt vdekjes që edhe emrin e ka Deti i Vdekur. Edhe pse në jetën e tij lumi i famshëm prej 150 milje i gjatë, ishte quajtur ‘i bekuar’… Jo si Lana, sigurisht. Skena e ‘bekimit’ mu kujtua në datë 8 Janar 2022, në mes të luftës për jetë a vdekje në kullën e PD, mes Saliut dhe Lulit. Disa militantë lanë për pak zjarrin e luftës dhe u krodhën në ujin e Lanës, hidhnin ujë në fytyrë e nuk e di a laheshin a luteshin. Gjon Pagëzori ishte pagëzuar në Jordan, por jo në këtë lloj ujë që mbledh mbetjet e Tiranës. Buzë Lanës PD ka bërë gjithë atë luftë e gjithë atë ‘kataklizëm’ me ujë si Lana ‘qelibar’. Lana e turbullt në 365 ditë, shënjoi jo vetëm fillimin dhe fundin e PD, por gjithë jetën e saj. Jetë në fitore, jetë në gjyq, jetë në revolucion, jetë në sakrificë, jetë në vrasje, jetë në dhunë, jetë në purgator. Të nëntë rrathët e ferrit, PD i kaloi buzë Lanës.
Këtu marshoi PD triumfalisht në 22 mars 1992. Këtu i ndërtuan pikat e fajdeve, në Hotel Dajti i përuroi Berisha skemat mashtruese gjatë një mbrëmjeje Gala. Në Parkun Rinia, që ndodhet po buzë Lanës, u ngritën tempujt e mirëqenies së PD, me birra e me rrape të thara nga urinimet. Vetë Berisha i madh një ditë vendosi të lërë Brrakën dhe të vendosej diku afër Lanës. Këtu u derdhën lot militantësh kur Berisha i PD dha gjasme dorëheqjen në 2013. Diku afër Lanës qeveria e PD vrau katër qytetarë që po protestonin kundër korrupsionit të qeverisë. Madje, krejt buzë Lanës, ndodhi edhe ‘pagëzimi’ i Berishës si njeri i rrahshëm, i dhunshëm por edhe i mundshëm për t’u dhunuar. Në 6 dhjetor 2022 një grusht djaloshari e hodhi përjetë përdhe. Gjithçka ndodhi buzë lumit. Nuk është biblike, por është e shtirë kjo që ka ndodhur.
Vetë këta e kanë sajuar fatin e vet, sipas fatit që mund të kishin në Lindjen e Mesme, buzë Jordanit. Në jetën e vet PD ndërtoi disa lumenj si vija ndarëse e përçarëse të kombit. Në vitin 1997, qeveria e PD vuri kufirin ndarës në Vjosë dhe deklaroi se ‘pjesa jugore do të sulmohet me armë e me helmim’. Por shqiptarët nuk e pranuan kufirin në Vjosë. Pas kësaj PD u ngjit në Shkumbin dhe dogji e vrau në Cërrik, në Kuçovë, në Elbasan. Në imagjinatën e PD lumi ndarës si Jordani në Arabi, u vendos të ishte Shkumbini. Por edhe këtu reaguan shqiptarët e nuk e pranuan ndarjen e kombit. Atëherë u përdor lumi Mat si Jordani ndarës… Pastaj Drini. Shqipëria e PD-së mbeti një copë vend me pak fshatra në Tropojë e Has…
… Por prapë për në Lanë e lanë fatin
Komente
Lajme të tjera
-
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Humbi ndjenjat në protestë, videoja që rrëzon pretendimin e Gjekmarkajt! QSUT: S'ka problem shëndetësor! Policia: S'e goditi askush! Deputeti: Më shtynë brutalisht
24 Dhjetor, 11:02
Berisha&CO jane produkt Lane. Jashtqitje e cilesise se larte.
PërgjigjuO Frok Çupi ti ke plotësisht të drejt për Sali Bajgën por mos haro dikur dhe ti ke qen zari Sali Bajgës. Sikur nuk shkon kjo tani që e shan Sali Bajgën me themel. Jo se Sali Bajga se meriton sharjen po jo nga ty. Falemnderit për mirkuptimin o Frok Çupi kaçupi.
PërgjigjuLana ka parè shumè nga soji i Saliut. I ka mbajtur edhe mbi qafè, me ato kioskat mbi tè dhe ujrat e zeza qè kthenin Tiranèn nè Kalkutan e Gonxhe Bojaxhiut. Lana, mund tè merret si simbol por tè tilla ka gjithkund, nè Shkodèr, Durrès, Elbasan, Korçè Lezhè, njè dyndje barbare qè prishte dhe vendoste ato tabelat e famshme qè nuk dua ti pèrmend tekstin. Barbarizmi,nèn mbèshtetjen e kètyre "pronarève" gjeti mishèrim edhe nè 97 tèn. Vetèm diçka tè rèndèsishme, mos ta harrojmè. Jo jo, nuk ishin shqiptarèt qè i dhanè fund asaj punès me kufirin tek Shkumbini. Tè ishte pèr ne, greku do kontrollonte pasaportat sot, pikèrisht tek ai lum. Ata qè duan ta dinè vèrtetè se çfarè ka ndodhur dhe kush i ndali "fqinjèt tanè", le tè informohen. Lana, Frrok Çupi, nuk ishte e vetmja qè u kthye nè nevojtore. E gjithè Shqipèria, ishte njè e tillè, nèn krimin e kètij tè degjeneruari qè edhe toka nuk do e pranojè. PD? Who the fuck is PD? Mè mirè hiç sesa njè bandè e tillè e degjeneruar dhe e lindur e vdekur.
Përgjigju